కృష్ణ ఉవాచ!!

పార్టీలో బెన్నీ దయాల్ - సినీ గాయకుడు

2010-05-03T12:54:00.003+05:30

పార్టీలో బెన్నీ దయాల్ - సినీ గాయకుడు

ఇటీవల మా ఫ్రెండు వాళ్ళ కంపెనీ వార్షికోత్సవానికి నన్ను ఆహ్వానిచటంతో, పెద్దగా పని ఎమీ లేక కాళీ కాళీగా ఉండటంతో చేసేది ఎమీ లేక అక్కడికి వెళ్ళటం జరిగింది. అన్ని వార్షికోత్సవాల వలే ఇది కూడా బహుమతుల ప్రదానోత్సవం, ఆటలు , పాటలు ఇంకా డిస్కో వంటి కార్యక్రమాలతో అలరించింది, అన్నిటికన్నా ఇక్కడ బెన్ని దయాల్ చేసిన సంగిత విభావరి ఎక్కువ అలరించింది. ఇంకా చెప్పాలి అంటే చిన్న గొట్టం (దాని పేరు నాకు తెలీదు) వంటి సంగీత వాయిధ్యంతో బెన్నీ చెసిన సంగీతం అబ్బురపరిచింది. ఇంతకీ మీకు బెన్నీ గురించి తెలుసా ??
బెన్నీ సినిమా గాయకుడు ముఖ్యంగా ఏ ఆర్ రెహ్మాన్ సినిమాలకి పాడారు, బాగా తెలియాలంటే ఇటీవల విడుదలయిన "ఏం మాయ చెసావే ? " సినిమాలో కుందనపు బొమ్మ .. పాటా , "ఢిల్లి - 6 (హింది)" లో మసక్కలీ మసక్కలీ .. పాటా .. ఇంకా చాలా పాటలు పాడారు.
పూర్తి వివరాలకోసం బెన్నీ వికీ పేజి ఇక్కడ చూడండి . http://en.wikipedia.org/wiki/Benny_Dayal
బెన్నీ ఒక గాయకుడే కాదూ, గిటార్, మృదంగం వంటి వాయిధ్యాలలో సైతం అందెవేసిన చెయ్యి.. మొత్తానికి ఆ రోజూ "టాక్ ఆఫ్ ది పార్టీ " బెన్నీ

ఎవరు యాక్టరు ? ఎవరు ఓవర్ యాక్టరు ? విక్రం Vs అభిషేక్

2010-04-26T13:17:00.004+05:30

ఎవరు యాక్టరు ? ఎవరు ఓవర్ యాక్టరు ? విక్రం Vs అభిషేక్

హెల్లో!!
నాలాగా మీరూ కూడా మణిరత్నం గారి కొత్తసినిమా "రావణ్" (హిందిలో) "విలన్" తెలుగులో కోసం ఎదురుచూస్తున్నారా ?
నెనయితే ఎప్పటినుండో ఎదురుచూస్తున్నా, సినిమా కధ రామాయణం నుండీ ప్రేరేపింపబడిందని నా ఊహ ! గతంలో కూడా మణిరత్నం తన చిత్రాలు లేదా అందులోని పాత్రలు మన ఇతిహాసల/పురాణాల వలనో ఆదర్శంగా తీసుకుని తీసిన సినిమాలే !! అయితే ఇక ఈ రావణ్ ఎలా ఉంటుందో చూడాలి మరి ?
ఈ చిత్రానికి తెలుగు మరియు తమిల భాషలలో విక్రం కధానాయకుడు కాగా హిందీలో మాత్రం మన జూనియర్ బచ్హన్ అభిషేక్ ... అయితే ఒకే పాత్ర వేరు వేరు నటులు చేసినప్పుడు వారీ మద్య తేడాలని గమనించడం సర్వ సాదారణం కధా అదే ఇక్కడా జరిగింది. ..
ఈ మద్యనే విదుదలయిన ఈ సినిమా తెలుగూ మరియూ హిందీ పోస్టర్లు చూసాక, ఒక చిన్న ధర్మసందేహం కలిగింది . కింద ఆ పోస్టర్లు చూసి సందేహం మీరెవరయిన తీర్చగలరు..

Doubt : ఎవరు యాక్టరు ? ఎవరు ఓవర్ యాక్టరు ? విక్రం or అభిషేక్
అయితే ఇక్కడ మరో సందేహం ఎమిటంటే ఒకే అభినయం ఇద్దరు నటులనుండీ మణిరత్నం ఎందుకు తీసుకోలేదు అన్నది కొసమెరుపు

యాక్షన్ సినిమా డైరెక్టరుగా మారనున్న "చీ"దంబరం

2010-04-09T15:48:00.002+05:30

యాక్షన్ సినిమా డైరెక్టరుగా మారనున్న "చీ"దంబరం

ఇటీవల జరిగిన దంతేవాడ ఘటనపై ప్రజలంతా ఘాటుగా ఉన్న సందర్బంలో మన చీ-దంబరం గారు మరొక గమ్మత్తయిన ప్రకటన విడుదల చేసి ఎదో దూరపు ఆలోచనా దోరణిని వ్యక్తపరిచారు. ఆ గమ్మత్తయిన ప్రకటన మరేదో కాదు - "మానవ రహిత విమానలతో నక్సల్స్ పై దాడి" అసలు నా అనుమానం ఎమిటంటే ఈయన చేసిన వెధవ పనికి ప్రభుత్వమే హోం శాఖ నుండి తప్పించి మరి ఏ సినిమారంగ శాఖకో వేస్తే అక్కడ తన హస్త లాఘవాన్ని చూపడానికిగానూ ముందు నుంచే మెదడు కి పదును పెట్టే పనిలో పడ్డట్టున్నాడు.

ఈయన చేసిన "మానవ రహిత విమానలతో నక్సల్స్ పై దాడి" ప్రకటన పూర్తిగా చదివిన తర్వతా మనవాడు ఎదో పెద్ద యాక్షన్ సినిమా కి కధ రాస్తూ మధ్యలో గవర్నమెంట్ గుర్తుకి వచ్హి ఈ అర్దరహిత ప్రకటన చేసాడేమో అనిపించింది. కాలిక్యులేటరు పట్టుకునే చేతులతో కత్తులు దూసే పని చెయమంటే అతను మాత్రం ఎమి చేస్తాడు. నా వరకు నాకు ఇతగాడు ఆర్ధికశాఖలో ఉన్ననాల్లు భలే గౌరవం ఉండేది, ఆ తర్వాత మనవాడు చేసిన ప్రతీ పనీ గాలిదుమారమే.
మొన్నటికి మొన్న బాగా తాగి పడుకున్న KCR చిందులకి కంగారుపడిపోయి కలిసి మెలిసి కమ్మగా బ్రతుకుతున్న అంధ్రా ప్రజానికానికి కుంపటి రాచేసే విదంగా కంపరమెత్తే కబురు ఒకటి చెప్పి కామ్ గా కూర్చునాడు. మనోడి మీద అప్పుడే ఒక తీర్మానానికి రావలిసింది తప్పుచేసా.

ఒక అలోచనా, అవగాహన, ప్రణాళిక ఇంకా అంచనా ఎమీ లెకుండా పంపటంవల్లే సి ఆర్ పి ఎఫ్ దళాలని పొట్టనపెట్టుకున్నాడు, అంతా అయిపొయాక "ఇది నా చెతకానితనం" అని ఒప్పుకుంటే మాత్రం ఎమి ప్రయోజనం. ఎది ఎమయిన అంత ముఖ్యపదవిలో ఉండి చెపట్టే ఆపరేషన్స్ అన్ని ఇలా కొండెక్కిస్తే ప్రభుత్వం పని గాలిలో పెట్టిన దీపం అయిపొతుంది .

మొత్తానికి చీ-దంబరంగారూ మీ చేతకానితనానికి చెయ్యెత్తి కొట్టంటం బాగోదు కనుక ఇలా చీ అని సరిపెట్టుకుంటున్నాము ఇకనయిన మీ యాక్షన్ సినిమా కధలో సన్నివేశాలు మా మీద ముఖ్యంగా నక్సల్స్ మీదా ప్రయోగించవద్దు ఒక వేళ అందులో మాకు అర్దంకాని చిదంబర రహస్యాలు ఎమయిన ఉంటే కాస్త అర్దం అయ్యెటట్టు చెప్పి పుణ్యం కట్టుకోండి.
ఈనాడులో మన వాడి చిదంబర ప్రకటన ఇక్కడ చూడండి. [1]

గోవాలో " శ్రీ " దేవి,చార్మి,విద్యా సాగర్

2009-12-30T11:32:00.004+05:30

గోవా లో చార్మి, దేవి శ్రీ ప్రసాద్

క్రిస్మస్ పండగ అనగానే ఎదో తెలియని ఆనందం, కొత్త సంవత్సరానికి మరీ దగ్గరగా ఉండటంతో ఇది కూడా పెద్దపండగే, పైగా సంవత్సరంలో అఖరు పండగ... మొత్తానికి ఎన్నాళ్ళగానో ఎదురు చూస్తున్న మా గ్యాంగు అంతా కలిసి సరిగ్గా క్రిస్మస్ కి ముందు రోజే అక్కడికి చేరుకున్నాం, అనుకున్న విధంగానే సాగరతీరానా సాయత్రం వరకూ సేద తీరి ఆ తర్వాత పబ్బులోకి(TITO's) చేరి ఊగి ఊగి అలసిపోయి సుమారు తెల్లవారుజామున మూడు గంటలు ఆ ప్రాంతాన ఇంటికి చేరెందుకు పబ్బు నుండి బయటపడ్డాము. మరికొందరి స్నేహితులకోసం ఎదురుచూస్తూ పబ్బు బయటనే నిద్ర మత్తులో కూర్చుని అటూ ఇటూ అదే పనిగా తుళ్ళుతూ, తూగుతూ తిరుగుతున్న ఆడపిల్లల్ని చూస్తూ అర్దంకాని అనవసర ఆలోచనలతో సతమతవతున్న నాకు ఎక్కడో బాగా తెలిసిన అమ్మాయిలాగ ఒక ఆకారం కనపడింది, వెంటనే పక్కనే ఉన్న స్నేహితుడి కి చూపించి "ఎరా మన మంత్రా చార్మి లా లేదా ? " అని అడిగా , వాడు కూడా అంత మంది అమ్మాయిలలో మాములు ఒక మోస్తరు అమ్మయిలా కనపడటంతో అనుమానంగా చార్మినే అనుకుంటరా అన్నాడు. (నిజానికి చార్మి చాలా సన్నగా ఉంది, బహుసా కొత్త లుక్ కోసమెమో )కనురెప్ప పాటులో మళ్ళీ అనుమానం, ఆ తెల్లచొక్కావాడి ముక్కు అచ్హూ మన దేవి శ్రీ ది లా లేదా అని అన్నా, వెంటనే వాళ్ళు చార్మి - దేవి రా అని ఎగిరి గంతేసాడు ; మరుక్షణం మేము ఇద్దరం వాళ్ళ పక్కన ఉన్నాం - ఎముంది కట్ చేస్తే కింద "దేవి తో నేను " ఇంకా "దేవి తో మా ఫ్రెండు" ఉన్న ఫొటోలు ... ఆ నాకు తెల్సు మీ తరువాతి ప్రశ్న పక్కనే మంత్ర ముద్దుగుమ్మ ని పెట్టుకుని ఆ ఫొటో దిగలేదే అనే కదా ?? ఎముంది అక్కడ దేవి రిక్వస్ట్ ...కాదనలేక పొయాం .. దానితో కేవలం చార్మి కరచాలనం తో సరిపెట్టుకున్నాం, అనట్టు ఇంకో విషయం చెప్పటం మరిచిపొయా చార్మి, దేవీ లతో పాటు, దేవీ తమ్ముడు "విద్యా సాగర్" (గాయకుడు) కూడా వీళ్ళతోనే ఉన్నాడు. బహుశా అన్న కి తమ్ముడు తోడు కాబోలు !!! మొత్తానికి మా గోవా ప్రయాణానికి చార్మి మరింత మేరుగులు అద్ద్దింది . గోవా యాత్రా విశేషాలు పూర్తిగా ఇంగ్లీషు లో ఈ లింకు లో చూడండి .

సమైఖ్యాంధ్ర పోరాటం - బెంగుళూరు

2009-12-13T23:51:00.003+05:30

సమైఖ్యాంధ్ర పోరాటం - బెంగుళూరు

Blog link for the same in English : http://krishnababug.blogspot.com/2009/12/samaikya-andhra-rally-bangalore-paper.html

ఆంధ్ర రాష్ట్రం లో రగిలిన సమైఖ్యాంధ్ర పోరాటం బెంగులూరు వాతావరణాన్ని సైతం వేడి ఎక్కించింది. ఇక్కడ వివిద రంగాలలొ ఉద్యోగాలు నిర్వహిస్తున్న ఆంధ్రా యువత అంతా కలిసికట్టుగా ఒక్క ఆశయానికై నిలబడ్డారు. యువరక్తం సైతం శాంతం వహిస్తూ మహాత్మ గాంధీ విగ్రహం వద్ద స్థానిక MG Road లో కొవ్వొత్తులు వెలిగించి తమ వేదన వెలిబుచ్చారు, ఎక కంఠంతో వారు "ఒకే బాష - ఒకే రాష్ట్రం " అంటూ నినాదాలు పలికారు. వీరి నిరశనకి నిదర్శనంగా ఈ కింది నినాదాలు పలికారు...

        * ఫొట్టి శ్రీరాములూ అమర్ రహే
        * తెలుగు వాడి ఆత్మగౌరవం నిలుపుకుందాం - సమైక్య ఆంధ్రని కాపడుకుందాం
        * ఒకటే బాష - ఒకటే రాష్ట్రం
        * విభజన వద్దు - సమైఖ్యత ముద్దు
        * అమ్మ లాంతి ఆంధ్ర ని ముక్కలు చెయ్యొధు.
        * డిల్లీ కపట నాటకాలు కట్టి పెట్టాలి
        * రాష్ట్రాన్ని విడదీసే రాజకీయ శక్తులు నసించాలి
        *తెలుగువారి ఐక్యత వర్దిల్లాలి

Eenadu District edition Dec 13 2009

United Andhra Eenadu Dist

Eenadu Main Dec 13 2009

Samaikya andhra Eenadu Main

Saakshi Dec 13 2009

Eenadu Cont ... Dec 13 2009

Eenadu Dist Cont

అమాయకంగా అమెరికాయానం...(ఉద్యోగపర్వం - చతుర్దాశ్వాసం )

2009-10-30T13:25:00.006+05:30

అమాయకంగా అమెరికాయానం...(ఉద్యోగపర్వం - చతుర్దాశ్వాసం )

ఈ బాగానికి నిజానికి పేరు అలా ఉంది గని అది కేవలం ముగింపు మాత్రమే ! అసలు కధలోకి వస్తే; చచ్హి చెడీ, చమటోడ్చి, చేతి కి బొబ్బలెక్కే లాగా కష్ట పడితేగాని జాబ్ రాలేదండి.ఎంతయిన కష్టపడి సాదించిన ప్రతీ విషయంలోనూ ఎంత ఆనందం ఉంటుందో నేను కొత్తగా ఎవ్వరికి చెప్పనక్కర్లేక పొయినా ఇక్కడ నేను మీతో పంచుకోబోయే ప్రతీ విష్యం నా ఆనందపు అవధులను మీకు అర్దం అయ్యేలాచేస్తాయి.

మొత్తానికి కార్పొరేట్ లో కార్పెట్ మీద కాలు పెట్టేసాం, ఎదో వ్యత్యాసం-ఎదో ఉత్సాహం, ఎదో కనువిందు - ఎంతో ఆనందం, పని తక్కువ- పులకింతెక్కువ. పని లేకపొయినా, పని కాని పని ని పని గా పదిమందికి పదే పదే పనిగట్టుకుని పనిగా చూపించే పనికిరాని వ్యక్తే మెనేజర్ !! అలాంటి అద్భుతమయిన శక్తి కల మా శక్తిమాన్ జాయిన్ అయిన మొదటిరోజునుండే ఆఫీసులో ఫార్మాలిటీలు, పరిచయాలూ, ట్రైనింగ్ తదితర కార్యక్రమాలూ కొలిక్కి రాకుండానే ఎదో పిండి చేయాల్సిన కొండలు బోలెడునట్లు తీసుకొచ్హి ఒక కంప్యూటర్ ముందు పడేసాడు. ఎదో పావలాకి కూడా పనికి రాని పనిని మిలియన్ డాలర్లకి పొందాలనే తపనతో ఒకరికి నలుగురిని ఇచ్హి పగలు-రాత్రి పనున్నా లేకపొయిన ఎదోఒకటి చేసేయమనే వాడు. వాడి ఉత్సాహాన్ని ఎందుకు కాదనాలని ఎదో అలా బండి నడుపుతూ ఉండే వాళ్ళు మిగిలిన వాళ్ళంతా!!

మనకా ఆ కార్పొరేట్ కల్చర్ అంతగా తెలియదేమో విన్న ప్రతీది వింతే, కన్న ప్రతీది కొత్తే. కార్పొరేట్లో కామన్ కాన్సెప్ట్ ఏమిటంటే, కళ్ళ ముందు కావల్సినన్ని కలర్స్ కనపడుతున్నా కూడా మన పక్క సీట్లో కనీసం అమ్మాయి కూడా పడదు.(ఈ బాధ నా ఒక్కడిదీ కాదండోయ్, ఏళ్ళ తరబడి ఇలాంటి బాధ అనుభవిస్తున అనేక మంది యువకులదే!). కాలు పక్కకి తీస్తే "థాంక్స్" కాఫీ కలిపిస్తే "థాంక్స్" దానికీ దీనికి అని లేదు పక్కనోడికి ఎన్ని థాంక్స్ లు చెప్తే అంత కార్పొరేట్ అనుకుంట. మొత్తానికి అలా చీటికి మాటికీ "థాంక్స్" చెప్పటం నెమ్మదిగా అలవాటు అయిపోయింది.

ఇలా ఆఫీసులో ఏమి చేస్తున్నామో మాకే తెలియకుండా ఇంచుమించు ఆరు నెలలు గడిచిపొయాయి. వెనక్కి తిరిగి చూసుకుంటే నేర్చుకున్న కార్పొరేట్ కల్చర్, ప్రతి ఆదివారం అదే పనిగా తొమ్మిది సార్లు థియేటరులో చూసిన పోకిరి సినిమా తప్ప వెరే ఎమీ కనపడటం లేదు. ఒక్కసారి ఒళ్ళు గగ్గుర్లు పుట్టి నేర్చుకున జావా, డాట్ నెట్, ఓరాకిల్ పాటాలు గిర్రున తిరిగాయి. ఆ అలోచన ఎందుకు ఇంత కష్టపడి ఇవి అన్ని నేర్చుకున్నాం అన్న ఆందోళన మొదలు అయ్యింది.
ఒక రోజు మీటింగు కి పిలిచిన మేనెజరు తలొక 500 రూపాయల విలువగల సొడెక్స్ గిఫ్ట్ కూపన్ ఇచ్హి మన ప్రాజెక్ట్ పూర్తి అయ్యింది ఇక మీరు ఎంజాయ్ చేయండి త్వరలోనే ఇంకో ప్రాజక్ట్కి మూవ్ చెస్తాం అని చెప్పటంతో గుండె గుబేలంది. అలా రీసౌర్స్ పూల్ లో కుడితిలో ఎలక్కలాగా కొట్టుకుంటున్న మాకు యునిక్స్ అనే ఒక ఇంటర్వ్యూ దొరికింది, కాలక్షేపానికి ఫ్రెండు దగ్గర నేర్చుకున్న నాకు అదే అమృతంలా పని చేసింది. మొత్తనికి సులువు గానే కొత్త ప్రాజెక్ట్లో పడ్డాం.
ఎమి జరిగిందో ఎలా జరిగిందో తెలుసుకునే లోగానే బోలెడంత నేర్చుకున్నాం, క్లయింట్ కాల్స్ లో ఎలా మాట్లాడాలో , కొత్త టాస్క్ లు ఎలా క్రెయేట్ చెయాలో, బిల్లింగ్ ఎల జరుగుతుందో అంతా భలే గమ్మత్తుగా గడిచింది. ప్రతీ నెలా టీం లంచులు, ఆరు నెలలకొకసారి టీం అవుటింగులూ, ఏడాదికి ఒకసారి గిఫ్టులు అబ్బో ఒకటేమిటి అంతా మజాలే, చిన్న చిన్న ప్రాబ్లంస్ సాల్వు చేసినా కూడా క్లయింటు కి నచ్హితే (వాడికి డబ్బులు ఎక్కువ ఉంటే ) పొగడ్తలతో ముంచ్హెత్తేవాడంటే నమ్మండి.

అలా సాఫీ జరుగుతున్న సాఫ్ట్ వేర్ ప్రయాణంలో ఒక్కసారి పెద్ద అల "అమెరికా చాన్స్". అది నాకు అల కాదు పెద్ద సునామిగా కనపదింది. ఎందుకంటే టీంలో అప్పటికే నాకన్న ఎక్కువ అనుభవం ఉన్న (కూడా అమెరికా వెళ్ళని ) వాళ్ళు ఉండటంతో నాకు ఆ అద్రుష్టం దూరమనే అనుకున్నా, కానీ నా అంచనా తప్పౌ అయ్యింది. ఒక రోజు క్లయింటు చాటింగ్ లో పింగ్ చేసి నీకు పాస్ పోర్ట్ ఉందా అని అడిగాడు. ఉంది అని చెప్పటంతో నీకు కొత్త ప్రాజెక్ట్ పని మీద అమెరికా వెల్లాల్సిన అవసరం ఉంది, వెల్తావా ? అని చాలా సింపుల్ గా అడిగాడు. "కల కానిదీ ... నిజమయినదీ...." అంకుంటూ వెంటనే నేను ఆ ప్రాజెక్ట్ గురించి తెలుసుకోవచ్హా అని అడిగా ! దానికి సమాదానం నువ్వె వచ్హాక చెప్పాలి దానికి బాగా డేటాబేస్ మీద గ్రిప్పు ఉన్నవాళ్ళు కావలి అందుకే నిన్ను పంపుతున్నాం అన్నాడు.

ఇంకేముంది కట్ చేస్తే చెన్నయ్ లో అమెరికా ఎంబసీలో, ఒక తెల్లావిడ ముందు నుంచుని పాస్ పోర్ట్ ఆమే చెతికిచ్హాను. కొన్నాలకే వీసా చేతికందటంతో ఆఫీసులో ఇచ్హిన అమెరికా డాలర్లు జేబులో పెట్టుకుని, పాస్ పోర్ట్ ఒక చేత్తో పట్టుకుని ఇంకో చెత్తో అమ్మ-నాన్నలకీ ఇంక ఫ్రెండ్స్ కీ టాటా చెప్పేసి ప్లయిటు ఎక్కేసాం.
ఇంక ఇలా అమెరికా లో అడుగు పెట్టానో లెదో ; తెలుగు సినిమాలో హీరో ఎంట్రన్సు సీను లాగా ఒకటే ఈదురుగాలి ... అప్పుడు తెలిసింది అక్కడి నవంబరు నెల ఎలా ఉంతుందో.....అబ్బో ఇలా అమెరికాలో నా ఆనందాలు రాసుకుంటూ పొతే ఇంకో టపా అవుతుంది ...ఆ ఆఫీసులు, ఆ రోడ్లు, ఆ పద్దతులు, ఆ మనుషులు, ఆ న్యూయార్క్ బ్రిడ్జ్, ఆ లిబర్టి స్టాట్యూ, అబ్బ అబ్బ ... ఒకటేమిటిలే ఆ రోజులే వేరు ...
ఇదంతా బాగా చెప్పలంటే నా మాటలు చాలవు ... వేటురి గారు రాయలి, రెహ్మాన్ పాడాలి ...అదే న్యూయార్క్ నగరం నిదురోయ వేల నెనొక ఒంటరి ...
మీరు ఈ పాట చూడాల్సిందే !! ఈ కింద లింకు క్లిక్ చెయండి ...

http://krishnabab.blogspot.com/2009/10/newyork-nagaram-telugu-lyrics.html

ఉద్యోగపర్వం

కాలేజిలో కటింగ్ (ఉద్యోగపర్వం ప్రధమాశ్వాసం )

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం )

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )

అమాయకంగా అమెరికాయానం...(ఉద్యోగపర్వం - చతుర్దాశ్వాసం )

మాంద్యం దెబ్బ - మరో జాబ్ దొరికిందబ్బా !! (ఉద్యోగపర్వం - పంచమశ్వాసం) * Coming soon *

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )

2009-07-26T09:09:00.012+05:30

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )

సిలికాన్ సిటీలో సిల్లీగా సిందులు వేయకుండా; అప్పటికి ఉన్న ఒకే ఒక ఆశ "ఉద్యోగం" దానికోసం మాత్రమే వెతుకులాట సాగించాలనీ మొండిగా నన్ను భరిలో దింపింది మాత్రం కొందరు నా అప్తమిత్రులు అని సగర్వంగా చెప్పగలను.హైదరాబాదులో చేసిన హంటిగ్‌కి మెరుగులు దిద్దటానికా అన్నట్టు, నా జీవితపు ప్రవాహానికి సరయిన ఆనకట్ట వేసి ఖచిత్తమైన మలుపు తిప్పి దాన్ని సరయిన సర్దుబాటు చేసినవారందరికీ ఈ టపా అంకితం.

అప్పటికే నా స్నేహితులలో చాలామందికి ఉద్యోగప్రయత్నం నెరవేరడంతో, అప్పటివరకు వాళ్ళు ఉంటున్న ఒక చిన్న గదిని మాకోసం అట్టిపెట్టి వాళ్ళు అఫీసు దగ్గరలో తీసుకున్న వెరే రూంకి వెళ్ళబోతూ "అసలే ఆలస్యంగా అడుగుపెట్టావ్, ఎంతో కష్టపడితే గానీ జాబ్ రాదు" అని ఒకే ఒక్క మాట నాలో ఉన్న నమ్మకాన్ని కొంచం తగ్గిస్తూ, అవసరాన్ని సూటిగా గుర్తుచేస్తూ,మొహమాటాలకి పోకుండా అక్కడి నుండీ "ఆలస్యం అమృతం అన్నట్టు వెళ్ళిపోయారు". ఆలస్యం చేసిన నాకు అప్పుడు వాళ్ళు నిజానికి జాబ్ అనే అమృతం సేవిస్తున్న సురుల మాదిరి కనపడ్డారు.నేను అసురుడిని కాకపొయినా సూరత్వం చూపాలంటే అమృతం అస్వాదించాల్సిందే అని గట్టిగా నిర్ణయించుకున్నా.

అప్పుడే బెంగుళూరులో ట్రైను దిగిన నాకు, ఎదో ఆందోళనతో అదే ప్లాట్‌ఫారం మీద నాకోసం ఎదురుచూస్తూ నావైపుగా నడిచివస్తున్న నా నేస్తం కనపడ్డాడు. పాచిమొహంతోనే పైకి నవ్వాను , బరువయిన బ్యాగులతో దిగిన నాచేతిలోంచీ ఒక బ్యాగ్ తీసుకుంటూ అదరాబిదరా ఆటుగా నడువురా అంటూ మెజెస్టిక్ బస్ స్టాండ్ వైపు నడిపాడు.రెండు చేతులలో మోయలేనంత బరువున్న నేను ఆటో కోసం నడిపిస్తున్నాడు అని తలచి అమాయాకంగా "బరువుగా ఉన్నాయి" అని బాదిస్తూనే నడవసాగాను. అంత బరువుమోస్తున్న బాధలో వాడి ఆందోలణ సరిగా అర్దం కాలేదు.

మొత్తనికి చాలా చమటలు కక్కుతు ప్లాట్‌ఫారంలన్నీ దాటుతూ 22వ ప్లాట్‌ఫారంకి చేరిన నన్ను అలుపన్నా తీర్చుకోకుండానే 271 వెళ్ళిపోతుందిరా త్వరగా..త్వరగా అంటూ నా బరువయిన బోలెడంత లగేజీతో బస్ ఎక్కించాడు. ఎక్కిన తర్వాత కొంతసేపటికి ఇద్దరికీ సీటు దొరకటంతో హమ్మయ్య అనుకుంటూ .... ఎంటిరా కండక్టరు ఇందాక ఎదో "వలగడ బన్నీ" అంటున్నడు, బహుసా నా లగేజి చూసి ఎందుకు చిన్నా(=బన్నీ) అన్ని బ్యాగులు (=వలగడ) అని కన్నడాలో అడుగుతున్నడా అని అన్నాను ? వాడు పెద్దగా నవ్వలేదు గనీ "వలగడ బనీ" అంటే "లోపలకి రా" అని అర్ధంరా అనిచెప్పాడు. నా అమాయకత్వానికి సిగ్గుపడక పోగా మరీ హైదరబాదులో బస్ దిగు అనటానికి "ఉతార్" అంటారు రా మరి ఇక్కడ ? అని ఒక వెర్రిప్రశ్న వేసా! దానికి బదులు ఇస్తున్నట్టుగా ఇక్కడ బస్ కదిలే లోపే ఎక్కెయాలి రా గుర్తుపెట్టుకో అన్నాడు(సాధారణంగా మనం అడిగిన ప్రశ్నకి ఎప్పుడూ సమాధానం ఇవ్వడు కాబట్టి ....పెద్దగా పట్టించుకోలేదు ). దానికి నేను ఆ విషయం గురించి "తూ ఫికర్ మత్" అని అప్పుడప్పుడే వంటపడుతున్న హైదరాబాదీ హిందీలో చెపుతూ "హైదరాబదులో రన్నింగ్ బస్ ఎక్కటం, పైగా ఫుట్‌బోర్డ్ మీద ఫుల్ల్ గా వేలాడుతూ వెల్లటంలో నేను కింగ్‌రా " అని హైదరబాదు గొప్పలకి పోయా.వెంటనే , ఇక్కడ నువ్వు వెలాడతానన్న బస్ కదిలాక ఎక్క నివ్వరు ఎందుకంటే ఇక్కడ బస్సులు అన్నిటికీ ఆటోమేటిక్ డోర్లు; బస్ కదలగానే మూసుకుపోతాయి అన్నాడు. అంతే అప్పుడు అర్ధం అయ్యింది బెంగుళూరులో చాల బొమ్మలాటలున్నాయి అని.

నెమ్మదిగా నా అర చేతి నొప్పులు తగ్గాయి అనుకునే లోపల మనం దిగాల్సిన స్టాపు వస్తుంది లగేజి అదీ తీసుకో అన్నాడు.హడావిడిగా అన్నీ తీసుకుని ఆటో పిలవరా అన్నా , హెయ్ ఎందుకు రా రూం ఇక్కడే పదా అన్నాడు, చేసేదిలేక మొహమాటంగా వాడి అడుగులో అడుగేస్తూ దిక్కులు చూడకుండా (ఎందుకంటే చుసేలాగా పరిస్తితి లేదుకాబట్టి!) కొంత సేపటికి రూంకి చేరాను.ఇదే రా నీ రూం ఒకే గది విత్ అటాచిడ్ బాత్‌రూం, ఎలా ఉంది అన్నాడు? వచ్హేసరికి రూం తీసాడు అదే చాలు చిన్నదైతే ఏముందిలే ..బాగుంది రా మాకు సరిపోతుంది (త్వరలో నాలాగా హైదరాబాదు నుండీ రాబోతున్న ఇంకో ఫ్రెండ్ ని దృష్టిలో పెట్టుకుని ) అన్నాను.

సరే అయితే నువ్వు స్నానం అదీ చేయ్ నేను ఆఫీస్కి వెల్తా ఇప్పటికే ట్రైను లేటు అవ్వటంతో బాగా ఆలస్యం అయ్యింది అంటూ బయలుదేరాడు.ఒహో! ఇప్పటివరకూ అదా వీడి అందోళణ ఎంటా అనుకున్నా! షాపింగ్ కి వెళ్ళాలిరా ఉంటావనుకున్న సరేలే సరదగా ఏరియా అదీ చూసినట్టు ఉంటుంది నేనే వెల్తానులే అన్నా! ఆ రోజంతా ఎదో స్నానం చేసినా గని ఒకటే చిరాకు. దగ్గరలోనే ఉదయం మా వాడు వస్తున్నప్పుడు చూపించిన హోటల్లో టిఫిన్ కూడా నచ్హలేదు. బహుసా ఇదంతా హైదరాబాదుకి అలవాటుపడటంవల్లనేమో. ఇక్కడ నీళ్ళు బాగా చల్లగా ఉంటాయి హీటరు అవసరం అనటంతో అది కొందామని బయటకి వెళ్ళి దానితో పాటుగా ఖర్చులు తగ్గించాలి అన్న ఉద్దెశ్యంతో ఒక ఐరన్ బాక్స్ కొని రూంకి చేరా...

అప్పుడు మోదలు అసలు సినిమా ! అర చెయ్య అంతా ఒకటే దురద, మంటలు. బహుసా ఇక్కడ నీళ్ళు పడలేదేమో అని సర్దుకుని ఓర్చుకున్నా, ఆ రాత్రికి ఎలాగో గడిచింది. తెల్లవారినా నాకూ పెద్దగా తేడా తెలియలేదు. అంతకుముందు రోజు ఆ బిల్డింగ్‌లో ఉన్న ఒక ఫ్రెండ్ ని ఆరు సార్లూ ఆ ఏరియా పేరు అడిగి తెలుసుకోవటంతో నా అమాయకత్వం నచ్హి , నా దగ్గరకి వచ్హి టిఫిన్ అయ్యిందా అన్నాడు ? టిఫిన్ కోసం పెద్ద బాద లేదు గని అర్జంటుగా డాక్టరు ద్గ్గరికి వెళ్ళాలి ఎదైనా చెప్పు అన్నాను. తెల్లమోహం వేయటంతో నేనే రోడ్డున పడ్డా, ఉదయానే కావటంతో పెద్దగా ప్రయోజనంలేకపోయింది. కొంతసేపటికి కేరళా ఆయుర్వేద శాల అని కనపడింది. ఎదొ ఒకటే సమస్య పక్క వాడికి చెప్తే ఉపశమనం ఉంటుందని లోపలికి వెళ్ళా, లేడీ డాక్టర్ ! కొంచం సిగ్గు, అయినాగని అడగటంతో అరచేతులు చూపిస్తూ కెవలం అరచేతులు మాత్రమే మంట మరియూ దురదా అని చెప్పా !!

వెంటనే ఆమే నిన్న తాడు లాగటం ఎదినా బరువయిన దానిని లాగటం చేసారా అనటంతో అప్పుడు ఎలిగింది లైటు. అవును డాక్టర్ నిన్న కాస్త బరువైన లగేజీ మోసాను అన్నా !! దానితో డాక్టరు ఒక చిరునవ్వు నవ్వీ ఈ ఆయిలు అరచేతికి రాసి అరగంట ఆరనివ్వాలి, ఆ తర్వాత గోరువెచ్హని నీటిలో మరో అరగంట నాన నివ్వాలి అని చెప్పింది. అన్ని విన్నను గానీ అసలు కారణం తెలుసుకోవాలి అనిపించటంతో దాచుకోలేక అడిగేసా , డాకటరు చెప్పింది ఏమిటంటే తనకి మించిన బరువుని మోయటంవల్ల అర చేతిలో సున్నితమయిన చాలా రక్త నాళాలు తెగిపొయాయి అనీనూ దాని కారణంగా విస్రుతంగా పొంగిన రక్తం చర్మపు అడుగు పొరలో ఉండిపోవటం వల్ల రాన్నున రోజుల్లో అర చేయి పలు రంగులు ప్రదర్సిస్తుందనీను చెప్పింది.అవన్నీ విన్న నాకు ఒక్క క్షణంలో చాలా రంగులే కనపడ్డాయి.

నిన్న కొన్న హీటరు ఇలా ఉపయోగపడిందన్నమాట అనుకుని, దాన్ని నీళ్ళలో పెట్టా. ఆ కేరళా ఎర్ర ఆముధాన్ని అరచేతికి రాసుకుంటూ "కూటి కోసం, కూలి కోసం, పట్నమొచ్హిన బాటసారీ ఎంత కష్టం ..ఎంత కష్టం ....." అని శ్రీ శ్రీ గారి పాట పాడుకుంటూ, సమస్య ఇట్టే పసిగట్టిన కేరళా లేడీ డాక్టరుని ఊహించుకుంటూ, ఎప్పుడో నాన్న అన్న మాటలు నెమరువేసుకున్నా !! అవి ఎమిటంటే ఇంటిదగ్గర పెరటిలో చిరాకుగా పెరిగిన చెట్లని కొడుతున్న నాన్న కి సహాయం చెద్దామని దగ్గరకి వెల్తే "మీరు కంప్యూటర్ మీద చేతులు ఆడించటానికే గనీ దేనికి పనికిరారు రా" అనేవారు . అది గుర్తు రావటంతోనే సినిమాలో లాగా మూటలు మోసి అయినా...అనే ఆలోచనలకి తెర దించేసా..మొత్తానికి నా చేతులు కాస్త సరి అవ్వటానికి, నేను బెంగుళూరుకి అలవాటుపడటానికి కొంత సమయం పట్టింది.

ఇంతలో రానే వచ్హింది కాలేజి నుండి కాల్ ! అది సత్యం ఆఫ్‌కాంపస్. పరీక్ష అంధ్రాలో కావటంతో ఎదైనా పొయిన చోటే వెతుక్కొవాలి అన్న చందాన ఈ సారి ఎలగయినా సత్యంలో సీటు సంపాదించాలని అత్యుత్సాహంతో బయలుదేరా, రైల్వే స్టేషన్‌కి టికెట్ట్ బుక్ చేయటానికి. మొత్తనికి సత్యంకి సంబందించిన చాల మంది దగ్గర విజయగాదలు విని (పరీక్ష కి సంబందించిన వివరాలు, ఇంటర్వ్యూలో ఆడిగే ప్రశ్నలూ) బాగా బుర్రకి ఎక్కించుకుని ఇంటికి ప్రాయాణం అయ్యా !

"అమ్మ కడుపు చూస్తుంది , పెళ్ళాం జేబు చూస్తుంది" అన్నట్టు; ఇంటికి వెల్లగానే చుట్టు పక్కన వాళ్ళు ఇంకా జాబ్ రాలేదా ?? (అప్పటికి పెళ్ళాం లేక పొయినా ...ఆ మాదిరి) అనీనూ అమ్మెమో ఆ చేతులు ఎమిటిరా అలా అయిపోయాయి అనడంతో ఒక్కసారి కావేరీ కళ్ళలో కట్టలు తెంచుకున్నంత పర్యంతం అయ్యింది. మొత్తానికి చేతి వంకన అమ్మ చేతి గోరుముద్దలు తింటూ(ఇప్పటికీ తింటూనే ఉంటాననుకోండి !! అంత రుచిగా ఉంటుంది మరి) ఎక్సాంకోసం ప్రెపేర్ అవుతున్న నాకు అమ్మ నెమ్మదిగా నీకు సత్యం రాదేమో రా !!అంది. అదేంటమ్మా? అంత మాటాన్నావు ?-"నీ జాతకంలో నీకు జాబ్ ఇటుగా రాదు పైగా అది వచ్హే నెలలో వస్తుంది అని ఉందిరా అంది"పెద్దగా షాక్ తినలేదు గని అమ్మ ఇలానే అంటుంది అనుకుని మరుసటి ఉదయం ఎంచక్కా ఎక్సాం కి వెళ్ళా, మొదటి రెండు రౌండ్లూ సెలెక్ట్ అయి పోయా ఇక ఫైనల్ రౌండ్ చాలా సులువు వచ్హేసినట్టే అన్న ధీమాతో అమ్మకి ఫోన్ చేసి గొప్పగా చెప్పా! కానీ ఆశ్చర్యంగా ఆఖరి రౌండ్ తేడా చేసెసింది. నా ఉత్సహాం మొత్తం నీరు గారి పొయింది. మొత్తానికి అమ్మ చెప్పినట్టే జరిగిందనిపించింది. చేసేది లేక ఇంటి ముఖం పట్టాను.

ఆ మరుసటి రోజు ఇంకో రెండు రోజులలో మళ్ళీ బెంగుళూరు వెళ్ళబోతాననగా గుడికి తీసుకెళ్ళి ఎదో పూజ చెయించి మన చేతికి ఒక గోమెధకం రాయి ఉన్న ఉంగరం తొడిగించారు నాన్న. ఎంటో జాబ్ లేని నా మీద ఇంకా నాన్న కి ఇంత ప్రేమ అనుకుని ఇంటికెళ్ళా, అప్పుడు అమ్మ చెప్పిందేమిటి అంటే జాతక ప్రకారం ఆ కాలంలో ఉన్న అకాల దోషాలన్నీ పోవాలనీ ఆ ఉంగరం చెయించామని చెప్పింది. కామన్‌గానే అమ్మ చెప్పేది లక్ష్య పెట్టకుండా,"అంటే ఇది పెట్టుకుంటే జాబ్ వచ్హేస్తునందా అని వెటకరించా !!" మొత్తానికి దానిగురించి నేను మరచిపొయినా కొత్తగా చూసిన ఫ్రెండ్స్ అంతా "ఎమిటి రా వేలు వాచింది?" అంటూ అమ్మ అన్న మాటలు గుర్తుచేస్తూనే ఉన్నాయి.

మొత్తానికి బెంగుళూరు చేరీ చేరగానే ఒక ఫ్రెండు వాడికి జాబ్ ఇచ్హిన కన్సల్‌టెన్సీ లో ఇంకా జాబులు ఉన్నాయి అని చెప్పటంతో వెంటనే అక్కడికి చేరా!వాళ్ళు పెట్టిన పరీక్షలూ ఇంటర్వ్యూలలో మెప్పించటంతో తరువాయి ఫైనల్ క్లైంటు రౌండు SAP Labs లో అని చెప్పాడు. దానితో పాటు మనకి డ్రెస్సింగు గురించి కూడా కొన్ని సముచిత సలహాలు ఇచ్హి పంపాడు.

మొత్తానికి SAP labs లో ఇంటర్వ్యూ కి వెల్లిన నాకు అది నిజంగా మరచిపొలేని రోజు. కంపెనీ పిచ్హెక్కించింది అంటే నమ్మండి పెద్ద కార్ పార్కింగ్ ప్రాగణం అన్నీ పెద్ద కారులే, అద్దాల మేడ మెరిసిపోతుంది, నా ఇంటర్వ్యూ మిట్టమద్యానం కావటంతో సూర్యకిరణాల సరాసరి ఆ అద్దలమేడ మీద పడి నా కళ్ళు మిరుమిట్లు గొలిపాయి. ఆ తళుకు బెళుకుల తన్మయత్వం నుండీ తప్పించుకుని నెమ్మదిగా నా ఇంటర్వ్యూ గదికి చేరుకున్నా. బయట ఎండ వేడి తట్టుకొలేకపొయా అని బాధ తో లోపలికి అడుగుపెడితే లోపల AC దెబ్బకి చలి బాధ ఎక్కువయింది. అలానే నెమ్మదిగా వళ్ళు పెట్టిన పరీక్ష ఉత్తీర్నుడనవ్వటంతో వెంటనే ఇంటర్వ్యూ ఉంటుందని చెప్పి అక్కడే వెయిట్ చేయమన్నారు.

నిజంగా నా జీవితంలో అదొక మరుపురాని ఇంటర్వ్యూ అని చెప్పాలి, కొంతసేపటికి ప్రారంభమయిన ఆ ఇంటవ్యూలో నాకు కొన్ని పజిల్స్ ఇచ్హరు అవి సాల్వు చేసిన పిమ్మట ఒకే ఒక్క ప్రశ్న అడిగారు, అదే నాకు నచ్హిన సినిమా ఎమిటి అని ? తడపడ కుండా అప్పట్లో ఫ్రెండ్ తెచ్హిన DVD లో చూసి నాకు బాగా బాగా బాగా నచ్హిన సినిమా అయిన "రంగ్ దే బసంతి" (Rang de basanti) అని చెప్పా. వెంటనే ఆ మెనేజర్ మొహంలో ఒక చిరునవ్వు. నాకు దాని అర్దం అప్పుడు తెలీదు , వెనువెంటనే ఆ సినిమా గురించి చెప్పమన్నాడు, ఇంకా అది ఎందుకు నచ్హిందో చెప్పమని అన్నాడు - దానితో ఎక్కువ ఎమీ ఆలోచించకుండానే నాకు అందులో నచ్హిన పలు పాసిటివ్ విషయాలన్నీ గుర్తు చేసా. దానితో ఇంప్రెస్స్ అయిపొయిన మేనేజరు కన్సెల్టెన్సీ వాళ్ళు నాకు మిగిలిన విషయాలు చెప్తారని ఇక వెళ్ళవచ్హు అని చెప్పాడు, దానితో సంత్రుప్తి చెందని నేను వెంటనే నా మనసు తెలియచెయటంతో, (It is a +ve sign, Be happy)అని చెప్పటంతో నా ఆనందానికి అవధులు లేవు. అలా రూంకి వచ్హిన తర్వాత కొన్ని వారాలు గడిచాయి, "ఎడారిలో ఒయాశిసులా తలచిన" నా ఇనటర్వ్యూ ఎటువంటి ఆఫర్ ఇవ్వకపోవటంతో ఇక అదికేవలం "ఎండమావి" అనుకుని నీళ్ళొదిలేసా!!

అలా అది జరిగిన కొన్నాళ్ళకే ఎప్పుడో దరకాస్థు చేసిన మా ఫ్రెండు వాళ్ళ కంపెనీ నుండీ ఒక కాల్ వచ్హింది తరువత రొజే రాత పరీక్షకి రావలని; మళ్ళీ అమృతంపై ఆశలు చిగురించాయి, వెంటనే నాతో పాటు ఉద్యోగప్రయత్నం చేస్తున్న మిగిలిన స్నేహితులల్కి కూడా పరీక్షకి తయ్యరు అవ్వలని చెప్పాను.మరుసటిరోజు అందరం కలిసి "నెస్స్"(Ness) కంపెనీ కి చేరుకున్నాం, కాని అక్కడి పరిస్తితి కేవలం కాల్ లెటరు ఉన్న వారినే అనుమతిస్తున్నారు అని తెలియటంతో మా అందరి తెలివి తేటలూ చూపించి సెక్యూరిటీ కళ్ళు గప్పి మొత్తానికి అందరం కలిసే లోపలికి ప్రవేసించాము. పరీక్షకి తయారు అయ్యాము, కానీ ఇలాంటివి అప్పటికే చాలా సార్లు చూసిన ఆ కంపెనీ HR లు సులువుగా కాల్ లేటరు లేని నా స్నేహితులని గుర్తించేసారు. కానీ పరీక్షలో ఎక్కువ మార్కులు రావటంతో మా రిక్వస్ట్‌ని గుర్తించి మిగిలిన రౌండ్లకి అనుమతించారు, ఆ రోజు మాతో పరీక్షలు రాసిన మొత్తం 58 మందిలో చాలా రౌండ్లు నేనూ నా స్నేహితులు దాటగలిగాము. కానీ ఒక స్నేహితుడు మద్య రౌండులో వైదొలగాడు. మొత్తనికి ఆ 58 మందిలో అఖరుకి సెలెక్ట్ అయిన ఇద్దరూ నేనూ నా మిత్రుడే!నిజానికి అక్కడ జరిగిన ఇంటర్వ్యూలలో మా విజయానికి కారణం అయిన మా మిత్రులు(అదే కంపెనీలో పనిచేసే వాళ్ళు) మాకు నిజంగా ఎంతో నైతిక ధైర్యం ఇచ్హారనే చెప్పాలి.

అఖరి రౌండ్ అయిన తర్వాత నన్ను మేనెజరు ఒక సారి చూడాలని కోరారనీ, ఆయన ఊళ్ళో లేని కారణంగా 2 రోజులు ఎదురుచూడాలని కోరటంతో మళ్ళీ నిరాశతో ఇంటికి వచ్హేసా ! ఇంక ఇది కూడా "ఎండ మావే" అని తలిచా!!! కూర్చున్నా, పడుకునా; పోరాడినా ఆ కంపెనీ ప్రాగణం, ఇంటర్వ్యూలో చాకచక్యం గా ఇచ్హిన జవాబులే బాగా వెంటాడ సాగాయి. అయినా రోజూ AC లో తిరిగే ఆ మేనేజరు "ఎండకి ఎండీ, వడదెబ్బకి వాడిపొయిన" నా మొహం ఎమి చూస్తాడబ్బా , ఇదంతా కేవలం కల్లబొల్లి కబుర్లే అని అనుకుని ఇక మన బతుకు ఇంతే అని వదిలేసా. మళ్ళీ అదే కంపెనీ నుండీ కాల్ వచ్హింది - మరుసటి రోజు రావాలని; ఆ రోజు "ఉగాది" (March 31 2006)పండుగ. తీరా వెల్లగానే నాకు ఒక నామమాత్రపు ఇంటర్వ్యు నిర్వహించి ఆఫర్ లెటరు చేతిలో పెట్టారు. దానితో నాకు 2006 ఉగాది పండగా కేవలం తీపి రుచిని మాత్రమే ఇచ్హింది.ఆ తీపిని స్నేహితులతో పంచుకునేందుకు అష్ట-కష్టాలు పడీ ఆ రాత్రి రూం కి చేరాను.

ఆ విధంగా సిలికాన్ సిటీలో సెర్చింగ్ నాకు ఉద్యాన నగరిని చిరస్మరణీయం చేస్తూ నా జీవతాన్నీ ఉగాది రోజునే ఉపాధి చూపిస్తూ పూలు చల్లిందనే చెప్పాలి.ఆ రోజు వేసిన తొలి అడుగూ నన్ను సప్త సముద్రాలని కాకపొయినా కొన్ని సముద్రాలని అయినా సునాయసంగా దాటిస్తూ అమెరికాయానం చేయించింది. ఆఫీసులో నేర్చిన పలు విషయాలూ , ఇంకా నా అమెరికా ముచ్హట్లతో తదుపరి టపాలో దర్శనమిస్తా!!!

ఉద్యోగపర్వం

కాలేజిలో కటింగ్ (ఉద్యోగపర్వం ప్రధమాశ్వాసం )

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం )

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )

అమాయకంగా అమెరికాయానం...(ఉద్యోగపర్వం - చతుర్దాశ్వాసం )

మాంద్యం దెబ్బ - మరో జాబ్ దొరికిందబ్బా !! (ఉద్యోగపర్వం - పంచమశ్వాసం) * Coming soon *

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం)

2009-07-20T23:30:00.025+05:30

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం)

కాలేజిలో కటింగ్ ఇచ్హిన పాపానికి ... ఆడ్రస్సు సరిగా రాయకపోతే మనం రాసిన ఉత్తరం మనకే వచ్హినట్టు; మొత్తానికి కాలేజీ ముగుసిన తర్వాత మళ్ళీ నా స్వగ్రుహానికే నా దారి; రహదారిన పడింది. ఇంటికి వెళ్ళిన నాకు అమ్మ వండింది తినటం, టీవీలో వచ్హే సినిమాలు చూడటమే తప్ప అసలు నా జీవితంలో ఎమి జరుగుతుందో తెలిసుకునే తీరికే లేదు.ఎందుకో తెలీదు కలిసిమెలిసి తిరిగిన ఫ్రెండ్స్ గురించి అయినా ఆలోచనే లేదు, ఎందుకని ఒక్కసారిగా నా బ్రెయిన్ అంతగా బ్లాంక్ అయిందో తెలియదు . బహుశా నాలుగేళ్ళు కాలేజీలో ఎదో పొడిచేసానని పొగరేమో !! అదేంటో, అప్పటి నా అంతరంగాన్ని ఇప్పటికీ అన్వేషిస్తూనే ఉన్నా.

మొత్తానికి ఒకరోజు మా బాబాయి ఇంటికి వచ్హి చేతికి ఈనాడు పేపరు ఇచ్హి అందులో మా ఊళ్ళోనే ఒక ఇంజరీరింగ్ కాలేజిలో లెక్చరర్ పోస్టులు పడ్డాయి, ఇంటర్వ్యూ కి వెళ్ళు అని పక్క గదిలో ఉన్న మా అమ్మ-నాన్నలకి వినపడేలాగాచెప్పాడు. నో చెప్పటానికి రీసన్ అలోచిస్తుండగా ఎదో నన్ను యెస్ అనిపించింది అదే ..కొంచం ఆలొచిస్తే గతంలో మా లెక్చరర్లు కాలేజిలో చేసిన కామెడీలు గుర్తుకువచ్హాయి. ఆ కామెడి నాకు అనందాన్ని ఇచ్హిందో లేదో గాని నాలో నాకు తెలియని బోలెడంత దైర్యాన్ని ఇచ్హింది, దానికి కారణం ఎన్నో తప్పులు కుప్పలు తెప్పలుగా చెప్పే కొంతమంది లెక్చరర్లని చూడటమూ, ఆ చిరాకులో ప్రతీ సబ్జక్ట్ లోని ముఖ్యమయిన టాపిక్ నీ ఎంతో కష్టపడి బాగా నేర్చుకున్న స్థైర్యం, ఇంకా అన్నిటికన్నా అంత కష్టపడి నేర్చిన మెళుకువలు కేవలం నా మార్కుల చిట్టాలకి బరువు పెంచటమే కాకుండా పాపం సబ్జక్ట్ అర్ధంకాక ఒకే సబ్జక్ట్ పై గజిని దండయాత్రలు చేసే నా మిత్రులకు కూడా నేర్పాడానికి, వాళ్ళు పాస్ అవ్వటానికి దోహదం చేసింది అని చెప్పటంలో నాకు ఎంతో అన్నందం ఉంది. ఇవ్వన్నీ కలిపి నన్ను సి.ఆర్ రెడ్డి ఇంజనీరింగ్ కళాశాలలో లెక్చరర్ పోస్ట్ ఇంటర్వ్యూ కి తీసుకెళ్ళగా, వచ్హిన 36 మందిలో నేను సెలక్ట్ అయ్యానన్ని సాయంత్రానికే తెలవటం భలే ఆనందం వేసింది . అనందంలో నాకు ఒక రాత్రి నిద్ర కరువయితె అయ్యింది కాని నాగురించి నేను ఆలోచించుకునే అవకాశం దొరికింది.

తెల్లవారుజామున నిద్ర లేవటంతోనే నాలో ఎదో తెలియని ఉత్సాహం, గుడికి వెళ్ళివచ్హిన నాకు అమ్మ టిఫిన్ పెడుతూ అడిగింది. "కాలేజిలో ఎప్పుడు జాయిన్ అవ్వాలి ?" అలోచించకుండా అమ్మకి కటువుగానే చెప్పేసా "నేను హైదరాబాద్ వెళుతున్నా" అని.మద్యాహ్నం వరకూ ఓపిక పట్టిన అమ్మ భొజనం పెడుతూ నాన్నగారికి నెమ్మదిగా చెప్ప సాగింది. ఇక్కడే ఉంటే ఇంటిపట్టున ఉండొచ్హు అని చెప్పండి మీరయినా అంది. నాన్న ఎమీ మాట్లడలేదు. హైదరాబాద్ కి ఒక బస్ కి టికెట్ట్ తీసి తెచ్హారు ఆ సాయంత్రం, రెండురోజుల్లో ప్రయాణం, అమ్మ మా అన్నయ వాళ్ళకి ఫోన్ చేసి అక్కడికి వెల్లమంది. నాకు అక్కడికి వెల్లటం సస్యేమిరా ఇష్టం లేక హైదరాబాదులోనే ఉంటున్నాడు అని తెలిసిన ఒక స్నేహితుడికి ఫోన్ చేయగా ఎమీ తడ పడకుండా వాళ్ళ రూంలో ఉండేందుకు సమ్మతించాడు. ఆ రోజు రానే వచ్హింది ; బస్ ఎక్కిన నాకు అలోచనల అలలు కునుకు పట్టనివ్వలేదు.ఉదయానే హైదరాబదులో దిగిన నేను స్నేహితుని సాయన వాళ్ళ రూం కి చేరాను.అక్కడ మొదలు అయ్యింది నేను, నేను లా బ్రతకటం...

కూకట్ పల్లిలో అదొక పెద్ద ఇల్లు (3 అంతస్తుల బంగళా) కాని అందులో మేము ఉండేది చిన్న పోర్షన్, ఉన్న ఒక్క గదిలోనే నాతో కలిపి అప్పటికే అయిదుగురు, తనకే లేదు మొర్రో అంటే తనకి ఒక డోలు అన్నట్టు నా పుస్తకాలూ, బట్టలు.ఇలా అందరి పుస్తకాలూ బట్టలతోనే రూం సగం నిండి పోయేది.అయినాగని ఆ పుస్తకాల మద్యనే తింటూ, పడుకుంటూ ఉండే అద్రుష్టం ఎంతమందికి వస్తుంది చెప్పండి. అది అసలే వేసవి కాలం కావటం తో అక్కడ నీళ్ళకి భలే యెద్దడి ఉండేది. అప్పటికే నీళ్ళ కోసం తగిన ఏర్పాట్లు చేస్తూ మా వాళ్ళు పెద్ద డ్రమ్ము ఒకటి కొన్నారు, తెల్లవారుజామున కులాయి వదలగానే దాన్ని నింపుకోకపోతే ఆ రోజుకి పాలు తాగిపడుకోవాల్సిందే ఎందుకంటే నీళ్ళుండవు కాబట్టి. అప్పట్లో అసలు నీళ్ళు కొనుకుని కూడా తాగొచ్హు అన్న ఆలోచనే రానంత జాగర్త మాకు డబ్బుల పట్ల. ఇంజరీంగ్ చదువుకునే రోజుల్లూ రాత్రంతా మెల్కువ ఉండి చదవటం అలవాటు అయిన మాకు తెల్లవారు జామున నిద్ర లేవటం అంటే బహుకష్టంగా ఉండేది, మా అద్రుష్టం కొద్ది మా స్నేహితుడు ఒకడికి ఈ పాడు అలవాటు లేదు. వాడే మా అందరికి కాస్తంత పడుకునే భాగ్యం కలిగించేవడు. వాడు మా అందరికి చాల స్పెషల్. మేము అంతా చదువుకునే సమయంలో(ఆ పేరుతో హైదరాబాదు క్షేమ సమాచారాని సమీక్షించెవాళ్ళం) పడుకునేవాడు. మేము పడుకోగానే నిద్రలేచి చదువుకునే వాడు, బహుశా అప్పటికే కాలం విలువ తెలిసిరావటమే వాడి అద్రుష్టం కామోలు.

ఎన్నో నేర్పారు మా స్నేహితులు, అప్పటివరకు మా నాన్న చెప్పిన కంప్యూటెర్ ఎంప్లాయిమెంట్ ఎక్స్ చెంజ్ అంటే naukari వెబ్ సైట్ అని తెలియని స్తితిలోనే ఉన్నాను అనుకుంట. రోజూ ఇంగ్లీషు వార్తాపత్రికల్లో పడే జాబ్ లకు మాత్రం ఎ-మెయిలు పంపే నేను నౌకరీ కి మారాను.అతి కొద్దికాలంలోనే అలాంటి సైటులనంటిలోనూ సభ్యత్వం నమోదు చేసుకున్నా.బస్ పాస్ తీసుకొవటం దగ్గర నుండీ ఇంటర్వ్యూ లో బుర్ర ఎలా వాడాలో వరకూ ఇలా ఎన్నో తెలిసాయి.

ఉదయానే రూం దగ్గరలో బండి దగ్గర ఇడ్లీలూ లేదా దోశలు తిన్నాక అయిదు రూపాయలిచ్హి ఇంటెర్నెట్ కి వెళ్ళెవాల్లం. ఇంటెర్నెట్లో వేట, అన్ని కంపెనీల వెబ్సైటులలొ "నేనొక నిరుద్యోగ అభాగ్యుడిని బాబూ నాకొక జాబ్ ఇవ్వండీ " అంటూ దరకాస్తు చేసేవాళ్ళ్ళం.ఎవరయినా ఫ్రెండ్ పలానా ప్లేసులో ఇంటర్వ్యూలు జరుగుతున్నాయి అని ఒక్క SMS పంపితే చాలూ క్షణాల్లో పది మందికి తక్కువ కాకుండా గుంపుగా ఆ కంపెనీ గేటు పై దాడి చేసేవాల్లం, వచ్హిన యువజన సంద్రాన్ని కొన్ని కొన్ని సందర్భాల్లొ గేట్లు సైతం ఆపలేకపొయేవి. మా గోల భరించలేక గేటు మాన్ కి మా రెస్యూం ఇచ్హి వెల్లమని చెప్పెవాల్లు . మరుసటి రోజు అదే కంపెనీ దగ్గరలో బజ్జీలు తింటే తెలిసేది ఆ సెక్యురిటీ వాడు మా రెస్యూంలు అమ్మెసాడు అని.

పాపం వాడికి ఎమి తెలుసు అది కేవలం మా గోల మాత్రమే అనుకున్నడేమో !! అవి మా ముందు జీవితపు మైలు రాళ్ళు అని తెలిస్తే వాటిని చేరవలిసిన దగ్గరకే చేర్చి ఉండే వాడు.అటూ ఇటూ తిరిగి వచ్హినా మా అందరిని కలిపేది మట్టికీ ఒక్కటే ఉండేది అదే అకలి అనుకుంట. అందుకే అందరం కలిసి ఒకే పార్సెల్ బోజనం పంచుకునే వాళ్ళం.ఇక ఇది ఇలా ఉండగా రాత్రి పూట మాత్రం ఒక అరటిపండు మంచి బోజనం అని చెప్పాలి. అప్పటివరకు నాకు అరటిపండు అంటే మా ఊళ్ళో దొరికే చిన్నపాటి పసుపు రంగువి మాత్రమే తెలుసు.కానీ మొట్టమొదట హైదరబాదులో చూసిన ఆ పెద్ద పచ్హని అరటిపండు ఇంచు మించి రాత్రి పూట విందులా మంచి అమృతంలా ఉండేది.
ఇక రాత్రి కి మాత్రం మేము రోజూ తూచా తప్పకుండా కొంతమంది స్పెషల్ ఫ్రెండ్స్ తో గడిపేవాళ్ళం అవి మరి ఎవరో కాధు "కూకట్ పల్లి దోమలు". ఇవి నా ఉద్యోగపర్వంలో ఎంత సహాయం చేసాయి అంటే ఒక్క పూట కూడా నా లక్ష్యాన్ని మరచిపోకుండా కంటి మీద కునుకు పడనీయకుండా తట్టి లేపుతూనే ఉండేవి. వీటి పుణ్యమా అని రాత్రంతా అటూ ఇటూ రోడ్లు అవి సరిగా ఉన్నాయో లెదో సర్వే చెసేసి (తెల్లారితే సి.ఎం కి నివేదిక పంపాలన్నంత భాద్యత గా) తెల్లవారుజామున ఎప్పుడో మొత్తానికి మా స్పెషల్ స్నేహితుల సంగీత విభావరిలో; రూంలో మిగిలి ఉన్న జాగాలోనే ఎవరో ఒకరి కాళ్ళ కింద పడుకుని నా కాళ్ళు ఇంకొకరి తల ముందు పార్కు చేసుకునెవాళ్ళం.

ఇది ఇలా ఉండగా ఆ శోధన సమయమంతా కూడా మాకు మేమె మార్గదర్శకులం- అమ్మ, నాన్న , అక్క , బంధువులు ఎవ్వరూ వద్దు మాకు మేమే దిశా నిర్డేశం అన్న ధీమా !! ఇంటి దగ్గర నుండీ ఫోన్ వచ్హిందంటే మాట్లాడాలంటే భయం. ఎందుకో తెలీదు 21 యేల్లు అడిగినదల్లా ఇచ్హి మా అనందంకోసం వాళ్ళ ఆనందాన్ని సైతం తాకట్టు పెట్టినా కూడా. బహుశా అంతే ప్రేమతో ఇక వాళ్ళు జీవితాంతం మనకోసమే బ్రతుకాల్సివస్తుందేమో అన్న భయమెమో ? వాళ్ళు ఫోన్ చేసినా కేవలం మన బాగోగుల కోసం తపిస్తున్న మాటలే వినపడతాయనేమో ?. మనకోసం ఎవరో ఎదో చేస్తారు అని - ఫలానా వాల్లని కలువు ఈ ఫలానా వాళ్ళని పిలువు అన్నమాటలు వినటం ఇష్టం లేక కొన్నాళ్ళు అసలు ఫోన్ లో మాట్లాడటమే మానేసా. అదలా ఉండగా కంప్యూటర్ ముందు కళ్ళప్పగించుకు చూస్తూ చేసే జాబ్ కి తప్ప వెరే జాబ్ కి మేము ఫిట్ కాదు అని తెలియకేమో అప్పుడప్పుడూ వచ్హే ప్రభుత్వోద్యోగాలకి సైతం కొందరు దరకాస్తు చేసేవాళ్ళు.

ఇదిలా ఉండగా అక్క ఇచ్హిన మూడువేలూ అయిపొయే స్థితి మొదలయ్యింది, దానితో ఎమి చేయాలో తెలియని సందిగ్దం, అప్పుడే ఒక స్నేహితుడు మంచి (మొదటి) అవకాశం ఇచ్హాడు,అదే సిస్టం ఇన్స్టలేషన్ & కాన్ ఫిగరేషన్ పని. మా స్నేహితుడు ఒకడు దుబాయ్ వెల్లబోయే ఒక వ్యక్తికి (.NET) వాళ్ళ ఇంటివద్దనే (Home Tuition) నేర్పేవాడు. వాళ్ళకి ఇన్స్టలేషన్ & కాన్ ఫిగరేషన్ చేస్తే ఎంతో కొంత ఇస్తారనటంతో అందె వచ్హిన అవకాశాన్ని అందిబుచ్హుకున్నా! అదే బహుసా నా మొదటి సంపాదనేమో ! అది అనిమిది వందల రూపాయలు అని గుర్తు. ఒకానోక రోజు కూకట్ పల్లి లో నన్ను చూసిన మా అన్నయ( cousin) ఎక్కడ ఉంటున్నావ్ అని అడగటంతో రూం చూపించక తప్పలేదు. కాని విస్తు పోయిన తను నన్ను ఆలోచించుకునే సమయం లేకుండానే తీసుకెళ్ళి తన రూంలో దింపాడు. ఎదో భంధం .... భలే బాధనిపించింది !

ఆ తర్వాత ఏమి చెయాలో తోచక కాళీ గా కూర్చోలేక మా అన్నయ వాళ్ళ నెట్2ఫోన్ షాపులో పని చెయటం తెలుసుకున్నా అది చాలా తేలికయిన పనే, వచ్హే కస్టమర్లకి వాళ్ళకి కావల్సిన దేశానికి ఫోనులు కలపటం. కేవలం ఏ లయిను ఏ దేశానికో తెలుసుకుని సరిగ్గా కనెక్ట్ చెయటమే ! ఇది ఇలా ఉండగా అవసరాన్ని బట్టీ కొంత సేపు సిస్టం లు సెర్వీస్ చెయటం మరి కొంత సేపు ఇంటెర్నెట్ సెంటర్లో పనిచేయటం(అవన్నీ మా అన్నయ్య షాపులే ) ;ఎదంటే అది కాళీగా ఉండకుండా చేసేవాడిని. అది నిజంగా బిజినెస్ పట్ల నాకు ఒక అవగాహన నేర్పింది అని చెప్పాలి.ఇవ్వన్నీ ఇలా ఉంటే మరో పక్క జాబ్ ప్రయత్నాలు వదలలేదు.

అప్పుడే నా స్నేహితుడు ఒకడు తను చెపుతున్న టూషన్ (Home Tuition) మద్యలో మానాల్సి రావటంతో ఆ అవకాశం నన్ను తీసుకోమని చెప్పాడు.మరో ఆలోచన లేకుండా తన పని కొనసాగించా! వీటన్నిటికీ కారణం కేవలం ఇంటి నుండీ వచ్హాక డబ్బుకోసం ఎట్టిపరిస్తితుల్లోనూ అమ్మ - నాన్నలపై ఆధారపడకూదదు అన్న ధ్రుడమయిన సంకల్పం మాత్రమే .అదలా ఉండగా అత్యంత హంగామ చేస్తూ టీ.వీలో భారీ పబ్లిసిటీ తో వచ్హిన జాబ్ ఫేయిర్ రానే వచ్హింది. అది నిర్వహించిన హైటెక్స్ గ్రౌండ్స్ ఇప్పటికీ కల్లలోనే మెదులుతూ ఉంటుంది. అంత అద్బుతమయిన కట్టడాలని నిజంగా నా కళ్ళతో చూడటం బహుశా అదే మొదటీసారి అనుకుంట ! కానీ అక్కడ నిర్వహించిన సెలక్షన్ ప్రోసెస్ లో వచ్హిన ఆఫర్ కి ఆఫర్ లెటర్ మాత్రం ఇంత వరకు నన్ను చేరలేదు.అదే ఆ జాబ్ ఫెయిర్ కి కొసమెరుపు .

అసలు కధ మలుపు తీరిగింది మాత్రం నేను ఆల్-హబీబ్ అనే ఒక ఇంజనీరిగ్ కాలేజిలో లెక్చరర్ గా చేరిన తర్వాత మాత్రమే! నాకు ఆ రోజు జరిగిన సెలక్షన్ ప్రాసెస్ ఇప్పటికీ గుర్తే ! ఎంతో మంది అనుభవం ఉన్న అధ్యాపకులు ఉద్యొగానికి వచ్హిన శర్మ అనే ఆ కాలేజి ప్రిన్సిపాల్ మాత్రం నా బోధనా విధానం నచ్హిందని నన్ను సెలక్ట్ చేసారు.చెసేది ఎమీ లేక ముందు ఉన్న అవకాశాన్ని వదలలేక జాయిన్ అవ్వటానికి అంఘీకరించా !! ఇక అక్కడ ప్రయాణం ఇంచుమించు ఒక ఆరు నెలలు పైననే జరిగింది, ఈ అనుభవం నిజంగా నా ఇంజనీరింగ్ కోర్ సబ్జక్ట్లన్నీ మళ్ళీ జ్ఞప్తికి తెచ్హింది.ఒక పక్క ఇక్కడ చెపుతూనే అమెరికాకి అంభవజ్ఞులయిన అద్బుతమయిన సాఫ్ట్ వేర్ ఇంజనీర్ లని తయారు చేసి అందించిన అమీర్ పేట లోనే (MS SQL server ) నేర్చుకునే వాడిని .ఇలాఉంటూనే అదే కాలేజిలో పడిన కొత్తపోస్టులకి నా ఫ్రెండ్స్ ని రెకమెండ్ చేసె వాడిని, వాళ్ళలో కొందరు నాతో అక్కడే పని చేయటం నిజంగా నాకు బలే అరుదయిన ఆనందాన్ని మిగిల్చింది.

అమీర్ పేట నిజంగా మా పాలిట మరో కల్ప తరువు అనే చెప్పాలి ఎందుకంటే ఈ చెట్టు కింద నీడ మాకు మా పాత స్నేహితులని ఎంతో మందిని కలిపేది, ఈ తరువే మాకు భోలెడంత జ్ఞానాన్ని ఇచ్హేది.ఆశ్చర్యంగా మేము అంతా కలిసే ప్లేసు పేరు కూడా "మైత్రీ వనం" ఇక్కడ కలిసినప్పుడు మేము ఎంత కలత చెంది ఉన్న సరే ఇట్టే మనసు పులకరించేది. అదే కాలేజిలో సెమిస్టర్ ముగియగానే ప్రిన్సిపాల్ నన్ను కాలీ గా ఉంచటం ఇష్టంలేక తనకి పెర్సనల్ సెక్రెటరీ గా ఉంచుకుని తన కూడా ప్రతీ ముఖ్యమయిన పనికి తిప్పుకునే వాడు. కొన్నాళ్ళకి ప్లేస్మెంట్ వ్యవహారాలు అప్పగించాడు. కానీ ఎప్పటి నుండో కంప్యూటర్ భాషలలో నాకున్న పట్టుని గమనించిన సహొద్యోగులు, ఇంకా నాకు బాగా కావల్సిన ఫ్రెండ్స్ కొందరు పట్టు పట్టి నన్ను ఆ ఉద్యోగం మానాల్సిందిగా బలవంతం చేసి నాకు కొత్త మార్గం అవసరం అని బల్ల గుద్ది చెప్పారు. అంతమంది శ్రేయోభిలాషుల ఆశీశులు నన్ను సునాయాసంగానే కొత్త గాలికై వెతికెట్టు చేసాయి.

అప్పటికే బెంగుళూరులో ఒకరొకరుగా స్థిరపడుతున్న ఆప్తమిత్రులు కొందరు "నాకు అప్పటికే చాలా ఆలస్యం అయ్యిందనీ అయినా అక్కడ ప్రయత్నం మంచిదని" నన్ను అప్రయత్నంగానే అక్కడికి రప్పించారు !!! ఆ విధంగా హైదరా బాదులో హంటింగ్ కి ఒక ఫుల్ స్టాప్ పెట్టి బెంగుళూరు మహానగరానికి ఒక రైలు టికెట్టు కొన్నాను.

ఈ విధంగా అప్పటివరకూ

పులిహోరలో పులుపు మాత్రమే తెలిసిన నాకు ... భావార్చి లో బిర్యాని ఘుమఘుమగలు చూపింది మన భాగ్యనగరం.

జీవితంలో కష్టాలని ఎంత సులువుగా అదిగమించొచ్హో నేర్చింది ఇక్కడే ! కళ్ళ ముందు ఉన్న అవకాశం విలువ వదలక ముందే తెలుసుకున్న నేను నిజంగా అద్రుష్టవంతున్నే కాక ఆలస్యించిన ఆశా బంఘం అన్న అర్దాన్ని అవలీలగా అర్దం చేసుకున్నా అనుకుంటా !!

ఉద్యోగపర్వం

కాలేజిలో కటింగ్ (ఉద్యోగపర్వం ప్రధమాశ్వాసం )

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం )

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )

అమాయకంగా అమెరికాయానం...(ఉద్యోగపర్వం - చతుర్దాశ్వాసం )

మాంద్యం దెబ్బ - మరో జాబ్ దొరికిందబ్బా !! (ఉద్యోగపర్వం - పంచమశ్వాసం) * Coming soon *

P.S : ఈ టపా రాస్తున్నంత సేపూ మదిలో మెదిలిన మరెన్నో మదురానుభూతులని ఇక్కడ అసందర్భోచితంగా తోచి కేవలం నా మదిలోనే ఉంచుకున్నాను.కనీసం కుదిరితే మరొక ప్రత్యేక టపాలో పొందుపరచగలను.

కాలేజిలో కటింగ్ - ఉద్యోగపర్వం ప్రధమాశ్వాసం

2009-07-15T18:30:00.014+05:30

కాలేజిలో కటింగ్ (ఉద్యోగపర్వం - ప్రధమాశ్వాసం )

అది జూలై 14 2009, నేను కాంఫరెన్స్ కాల్ లో కౌలాలంపూర్(మలేశియా దేశంలో ముఖ్యపట్టణం) లోని కొత్త టీంకి కే టి ఇస్తుండగా ఫ్రెండ్ దగ్గరినుండీ మొబైల్ కాల్ వచ్హింది, ఎమి చేయాలో తెలియక కంగారులో కట్ చేసేసా. అర్దంకాని మలై స్లాంగ్ తో ఆ కొత్తటీం వాళ్ళు అడిగే అమాయకపు అర్దరహిత ప్రశ్నలకి సూటిగా పదునయిన అర్దసహిత సమదానాలు ఆపకుండా అరగంటకి పైగానే చెప్పేసరికి నాకు కాస్త తలపైన కొమ్ములు మొలిచినంత భారంగా అనిపించింది. కట్ చేస్తే ఫ్రెండ్స్ తో టెర్రస్ లో కాఫీ తాగుతున్న నాకు అంతకుముందు మా ఫ్రెండ్ కాల్ చేసిన సంగతి జ్ఞాపకం వచ్హింది. వెంటనే కాల్ చెస్తే ఏరా? ఇందాక బిజీ నా కట్ చెసావ్ అన్నాడు. ఎమి చెప్పాలో తోచక అలా అలోచిస్తున్న నాకు ఎమీ జాబ్ సేర్చో గాని బాబాయ్ వాసిపోతుంది అన్నాడు. ఎరా ?? అని ఎదో ఆలొచిస్తూ అడిగా !! ఎముంది రా మొన్న IBM లో ఇంటర్వ్యూ అంటే కొత్త చొక్కాయి కొనుక్కుని కంగారుగా వెల్లాను రా; తీరా అక్కడ నాలా కొత్తచొక్కాయి కొనుకున్న ఫేక్ ఫేసులు "రెస్యూం వేస్తే రాలనంత మంది ఉన్నారు" అన్నాడు. వాడి మాటల్లో ఎదో తెలియని భయం, ఆందోళన ఇంకా విసుగు నాకూ ప్రస్పుటం గా అర్దం అయ్యింది. వెంటనే ఇప్పుడు ధైర్యం చెప్పకపోతే మళ్ళీ ఇంటర్వ్యూ కి వెళ్ళడేమో అన్న భయంతో నేను ఎదో ధైర్యం చెప్ప సాగాను; నీకే రా కంఫర్టబిల్ కా కంప్యూటర్ ముందు కూర్చుని ఎన్నయినా చెపుతావ్ మాకు ఇక్కడ మడతడిపోతుంది అన్నాడు. ఇంక ఆపుకోలేని నా ఆవేదనంతా ఒక్కసారి గతంగా గిర్రున తిరిగింది; ఆ ఆలోచనలు ఆందోళనగా నన్ను అక్కడినుండీ ఎక్కడికో తీసుకెళ్ళాయి... ఆ అలోచనా తరంగాలే ఇక్కడ టపా గా మీ ముందు ఉంచుతున్నా.

మార్చి 2005: కొత్తగా ముస్తాబయిన మా ఇంజనీరింగ్ కాలేజి క్యాంపస్ కి కొత్త జీన్స్ వేసుకుని ఆఖరి సెమిస్టర్ అన్న ఆనందంతో అడుగు పెట్టాము. సెమిస్టరు హాలిడేస్ లో చూసిన హాలివుడ్ సినిమాల గురించి సిల్లీగా సమీక్షిస్తున్న మాకు మా గ్రహంగాడు (ఒక ఫ్రెండ్ ముద్దు పేరు) అర్దం పర్దం లేకుండా "రెజ్యుం చేసానురా నేను అన్నాడు". రెస్యూం చూసావా ?? చేసావా మామా ?? ఎవరి సినిమా మామా అది యాక్షన్ సినిమాన లేక మసాలా సినిమా నా అని అమాయకం అడిగాడొకడు. అక్కడ మొదలయిన ఆ ప్రశ్న మాలో చాలా మందికి ఒక ఆఫర్ లెటర్ చేతికి వచ్హేవరకూ వెంటాడుతూనే ఉంది. ఇది ఇలా ఉండగానే ఆ సెమిస్టర్ సిలబస్సే తెలియని మాకు; "సత్యం క్యాంపస్ సెలక్షన్లు " అని మా ఊగుడు ప్రిన్సిపాల్ నోటీస్ పంపిచాడు. మాదే మొదటి బ్యాచ్ కావటంతో మా లాంటి కాలీజి వాల్లంతా వైజాగ్ రావల్సిందిగా, అసక్తి కలవారు EDP సార్ కి పేర్లు నమోదు చెయించుకోవలిసిందిగా అందులో ఉంది. అప్పుడే మూడు నెలలు వైజాగ్లో ఉండి పోర్టులో ప్రాజెక్ట్ చేసివచ్హిన నాకు, వైజాగు పై మోజు తీర్చేందుకే వచ్హిన సదావకాసంగా భావించి స్నేహితులంతా కలిసి ఒక మంచి ట్రిప్పులా అయినా ఎంజాయ్ చెయాలని తలంచి వెల్లటానికి తయారయ్యాం.

అసలు సెలక్షన్ ప్రొసెస్ పైన ఎటువంటి అవగాహనా లేని నేను ఎదో ఒక సింపుల్ ఎక్సాంలాగా ఫీల్ అయ్యి ఎక్సాం రాసెసి ఫ్రెండ్స్ నంతా తీసుకుని బీచ్ కి బయలుదేరి ఆడుకుంటున్న నాకు నా స్నేహితుడు ఒకడు నేను ఉదయం రాసిన పరీక్షలో క్వాలిఫైనట్టు నాకు వెంటనే రెండో రౌండ్ పరీక్ష ఉన్నట్టూ హుటాహుటీనా రమ్మన్ని నా మొబయిల్ కి కాల్ చేసాడు. ఇంకేముంది తడిసినబట్టలతో తింటున్న మొక్కజొన్న కండి అక్కడే పడేసి మా ఫ్రెండ్ వాళ్ళ మావయ్య దగ్గరనుండీ తెచ్హిన్న కొత్త డిస్క్ బ్రేక్ పల్సర్ మీద పైడా కాలేజి ప్రాంగణానికి కాస్త ఆలస్యంగానే చేరుకున్నా.ఇంక చెప్పటానికి ఎముంది మనిషి ఒక దగ్గర మసు ఒక దగ్గర ఉన్న నేను ఆ పరీక్ష డింకీ కొట్టాను. దాని గురించీ చీమ అంత అయినా చింత లేకుండా వైజాగ్ బీచ్ మదురానుబూతులతో కాలేజి కి చేరుకున్నాం.

సత్యం దెబ్బ నొప్పి తెలియకపోవటంతో వెంటనే వరంగల్లు వెల్లి రాసిన ఇంఫోటెక్ ఎక్సాం కూడా కేవలం ఒక యాత్ర లాగానే మిగిలింది. అక్కడ జరిగిన ఆన్ లైన్ ఎక్సాం లో అవకతవకలు కేవలం ఆ కాలేజి వాల్లకి మాత్రమే ఉద్యోగం తెచ్హి పెట్టగలిగాయి.మాకు ఓరుగల్లు కోట మాత్రం "వర్షం సినిమాలో మెల్లగా తరగని .." అంత అందమయిన అనుభూతుల్ని మిగిల్చింది. ఆ పై అఖరి సంవత్సరం ప్రాజెక్టులు, ఫెయిర్వెల్ పార్టీలు, పరీక్షలతో చాల హాడావిడి గా కాలేజీ రోజులు ముగిసిపొయాయి. బాగా తెలిసిన బాధ (స్నేహితులంతా విడిపోతున్నామని) ఒక పక్కా, ఎదో తెలియని ఆనందం (ఈ చదువుల భారం ఇక దిగిపొయంది అని) మరో పక్కనా ఉంటే అసలు ముందు భవిష్యత్తు ఎమిటో అగమ్యంగా ముందుకి నడిచాను.

మొత్తానికి తెలిసీ తెలియని నా ఉద్యోగపర్వం ఇలా కాలీజీలో కధం తొక్కింది. ఉద్యోగపర్వం లోని ప్రధమాశ్వాసం - "కాలేజిలో కటింగ్" అనే అంకం సమాప్తం, ఉద్యోగపర్వం లోని ద్వితియాశ్వాసం - "హైదరాబాద్ లో హంటింగ్" అనే తదుపరి అంకంతో త్వరలోనే దర్శనమిస్తాను.
P.S :
అన్నట్టు ఉద్యోగపర్వంలో ప్రధమాశ్వాసం అన్నానని ఇదేదో "మహా భారతం" లో "ఉద్యోగపర్వంలో" "ప్రధమాశ్వాసం" అని అనుకొకండి ...ఇది కేవలం నా "భారతంలోనిది" మాత్రమే సుమా !

ఉద్యోగపర్వం

కాలేజిలో కటింగ్ (ఉద్యోగపర్వం ప్రధమాశ్వాసం )

హైదరాబాద్ లో హంటింగ్ (ఉద్యోగపర్వం - ద్వితియాశ్వాసం )

సిలికాన్ సిటీ లో సెర్చింగ్ (ఉద్యోగపర్వం - త్రుతియాశ్వాసం )
అమాయకంగా అమెరికాయానం...(ఉద్యోగపర్వం - చతుర్దాశ్వాసం )

మాంద్యం దెబ్బ - మరో జాబ్ దొరికిందబ్బా !! (ఉద్యోగపర్వం - పంచమశ్వాసం) * Coming soon *

ప్రభుత్వోద్యోగుల మీదా "హస్తం" ముద్రలు - బ్యాంక్ మేనజర్ పై మందా దాడి

2009-07-03T15:47:00.009+05:30

ప్రభుత్వోద్యోగుల మీదా "హస్తం" ముద్రలు - బ్యాంక్ మేనజర్ పై మందా దాడి

మందా మనిషిలా ప్రవర్తించలేదు ! అంధ్రా లోని నాగరకర్నూల్ నియోజకవర్గం నుండీ MP గా ఉన్న డాక్టర్ మందా జగన్నాదం ఇటీవల మహబూనగర్ లోని అంధ్రప్రదేశ్ గ్రామీణ వికాశ్ బ్యాంక్ మానేజర్ రవీందర్ రెడ్డి చెంప పగలగొట్టిన సంఘటనలో మందా మనిషిలా ప్రవర్తించలేదు, ఇది కేవలం అతని అధికార దురహంకారం అని అనిపించింది. ఇంత చేసినా మళ్ళీ మీడీయా ముందు ఈ పెద్దాయన ఒక కాకమ్మ కధ చెపుతున్నాడు.

నా ఉద్దేశ్యంలో ఇతగాడికి కాస్త మతి భ్రమించింది ఎమో అని అనుమానం ! ఎందుకంటే చెంప కి చెయ్యి తగిలితే దాన్ని చెంప దెబ్బ అనకుండా కేవలం మాటలు మాత్రమే అంటూ చెప్పుకొస్తున్నాడు.ఇలాంటి వాళ్ళని మన రాష్త్ర MP అని చెప్పుకోవాలంటే ఈ సభ్య సమాజంలో నాలాంటివాళ్ళకి ఎంత సిగ్గుగా ఉంటుందో నేను ఊహించగలను .ఇంత వెధవ పని చేసిన పెద్దమనిషిని పార్టీ పెద్దలు మందలించక పోగా వెంకేసుకువస్తున్నారు.నాకే గనకా అధికారం ఉండి ఉంటే ఈ వ్యక్తిని వెంటనే పార్టీకీ, ప్రజలకీ కూడా దూరం చేసి ఎదోఒక మానసిక చికిత్సా కేంద్రంలో చేర్చేవాడిని.

ఆ సంఘటన టీవీలో చూసిన మరుక్షణం నాకు భలే కోపం అవేశం వచ్హేసాయి.కాసేపటికి ఇలాంటి మానసిక రుగ్మతలు ఉన్నవారిన మనం నాయకులిగా ఎన్నుకుంది అని జాలి వేసింది. ఇంతా జరిగాక మన జగన్నాదం బేషరతుగా (“Unconditional apology”) క్షమాపణ తెలుపటం అసలు నిజా నిజాలు విచారణ తర్వాత తెలుస్తాయి అని చెప్పటం నాకు మరీ వింతగా తోచింది.నోరు విప్పి పచ్హి అబద్దాలని పిచ్చిగా చెప్పేస్తున్న ఈయన దోరణికి కాంగ్రెస్ హై కామండ్ సైతం తాలం వేయటం అప్రజాస్వామ్యానికి నిదర్శనం.

మన పాలక పక్షానికి చెందిన వ్యక్తి కారణంగా విషయాన్ని పూర్తిగా బయటకి పొక్కనివ్వకుండా ముఖ్యమయిన టీవీ చానళ్ళు కి సైతం డబ్బులిచ్హి మరుసటిరోజే నోరు నొక్కే ప్రయత్నం జరిగింది.అయినా మిగిలిన దెశీచాన్నల్లు వదలకపోవటంతో విసహ్యం తేటతెల్లం అయ్యింది.ఇలాంటీ బాధ్యరాహిత్య చర్యలని ఇంకా కాంగ్రెస్ పార్టీ పెంచి పొషించటం అసమంజసం.వ్రుత్తి రిత్యా డాక్టరు అయిన మందా జగన్నధం గారు తన అరోగ్యం పట్ల అవగాహన లేకపోవటమే కాక బ్యాంకు మెనేజరు మద్యం మత్తులో ఉన్నారని కల్ల బోలి కబుర్లు చెప్తున్నారు. "నిగ్గతీసి అడుగు ఈ సిగ్గులేని నాయకుల్ని ! అగ్గివేసి కడుగు ఈ పార్లమెంటు పెద్దలని ...."
ఇకనయినా కాంగ్రెస్ హై కామండ్ సైతం ఇతనిపై తీవ్రమైనా కఠినమైన చర్యలు చెపడితే బాగుంటుంది.

ఇదంతా చూస్తే కాంగ్రేస్ వారి "హస్తం" సీదా సాదా పేదలితొనే కాక ప్రబుత్వోద్యోగుల చంపల మీదా కూడా మరుపురాని ముద్రలనే మిగిల్చిందనిపిస్తుంది.

బలే బలే బాల్యం ...

2009-06-29T17:43:00.006+05:30

బలే బలే బాల్యం ...

నాన్న తెచ్హిన రిమోటు రైలు

అమ్మ చేసిన తొక్కుడు లడ్లు

అక్క ఇచ్చిన అయస్కాతం

స్నేహితుడు పంచిన పిప్పరుమెంటు

అమ్మమ్మ చేసిన అరిసెలు

తాతయ్య కొట్టిన ముంజెలు

మావయ్య పాడిన పాటలు

పాలేరు తీయించిన పరుగులు

నాన్న నేర్పిన ఎక్కాలు

మాష్టారు నేర్పిన పద్యాలు

బళ్ళో గీసిన బొమ్మలు

పోటీలో పొందిన బహుమతులు

స్వాతంత్ర దినోత్సవ వేడుకలు

స్కూలికి కట్టిన రంగుల జండాలు

దెబ్బలు తగిలిన కబాడీ ఆటలు

కప్పులు తెచ్హిన వక్రుత్వ పోటీలు

జేజమ్మ ఇచ్హిన జామకాయలు

పెద్దమ్మ పెట్టిన పులిహోరన్నం

పెరటిలో దొంగిలించిన మామిడికాయలు

పాత చెరువులో పట్టిన చేపలు

బోరు బావికాడ చేసిన స్నానాలు

నల్లతుమ్మ చెట్టుకింద పట్టిన కుస్తీలు

తోటలో ఏరిన జీడిమామిడి గింజలు

ఇంటివెనుక ఇసుకతో కట్టిన గూళ్ళు

తాతయ్య చెప్పిన రాజుల కధలు

అత్తయ్య తీసుకెల్లిన తెర సినిమా

అమ్మమ్మ వినిపించిన భగవద్గీత

అక్కయ్య ఆడించిన వైకుంఠపాళి.

పాత సినిమాల్లో పాటలు

అయస్కాంతంతో ఆటలు

ఏటిగట్టుపై ఇసుకలో సైకిలు పోటీలు

వానవెలిసాక నీటికుంటలలొ వేసిన గంతులు

భొగిమంటలకై పోగెసిన దుంగలు

దీపావళికి చేసిన సిసింద్రీలు

హోళీ పండుగకి తగిలిన గుడ్లు

శ్రీరామనవమికి వేసిన పందిళ్ళు

ఇంకా ఇంకా ...ఎన్నో ఎన్నో ...

కళ్ళ వెనుక కాంతి చాయలు

యదపై గుర్తులైన గాయాలు

కంటిపై కునుకెరుగని కలలు

మనసులో మరుపెరుగని ముద్రలు

బాల్యం అంటే కాదు బలి, అది ఎవ్వరికైనా బలే బలే !

నా కలల రాణి!

2009-06-19T14:07:00.008+05:30

నా కలల రాణి!

పువ్వులలో నవ్వువో
నవ్వులలో సిరివో

చీకట్లో వెలుగువో

కొవెల్లో దివ్వెవో

కావ్యంలో కన్యవో

కన్యలలో "కావ్య"వో

తారలలో తళుకువో

మబ్బులలో మెరుపువో

తొలకరిలో జల్లువో

జల్లులలో చినుకువో

కడలిలో ముత్యానివో

ముత్యాల మెరుపువో

నాకళ్ళలో వెలుగువో

నాకన్నీటిలో నీలానివో

సుగంధంలో పరిమళానివో

మల్లెలలో సువాసనవో

కొమ్మల్లో కోయిలవో

హరివిల్లులో రంగువో

గోదావరిలో అలవో

నా నిన్నటి కలవో

నాకోసమే పుట్టి; నాకే తెలియకుండా దాగున్నావా ?

కలలోనే కనిపిస్తూ నన్ను కవ్విస్తున్నావా ??

Bangalore to Hogenakkal route - Bike ride - హొగ్నేకల్ ( తమిళకర్ణాటక )

2009-06-01T12:00:00.005+05:30

హొగ్నేకల్ ( తమిళకర్ణాటక )

ఇంగ్లీషు లో వివరణ కోసం ఈ లింకు చూడండి.

గమనిక : కింద "ఫొటో షో" లోడ్ అయ్యే వరకూ వేచి యుండిడి.
నిన్న అంటే 30 మే 2009 మా ఫ్రెండ్స్ తో కలిసి ఒక అద్భుతమయిన జలపాతం చూడటానికి వెళ్ళాము, అదే "హొగ్నేకల్" జలపాతం. అక్కడ ఎవరో దీనిని "భారత నయాగరా " అని అభివర్ణించటం విన్నాను, ఆ మాట అతిశయోక్తి కాదేమో అని అనిపించింది. ఎందుకంటే చూసిన తర్వాత ఎవ్వరయినా ఆ మాట అనాల్సిందే. ఎందుకో తెలీదు నా బండి మీద అలా అలిసిపొయే వరకూ ప్రయాణంచేసి చాలా రోజులయ్యిందనిపించింది;ఎప్పటినుండో హొగ్నేకల్కి వెళ్ళాలని వేచియున్న నాకు ఇదే మంచి తరుణం అనిపించింది. ఒక్క క్షణం కూడా అలోచించకుండా ఈ జలపాతం గురించి గూగుల్లో సమాచారం సేకరించి, అదే విషయాలని కొంచెం మసలా జోడించి స్నేహితులకి ప్లాను అంతా ఈమెయులు చెసేసా. ఎవ్వరూ రిప్లయ్ ఇవ్వకపోయే సరికి పట్టువదలని విక్రమార్కుడిలాగా వెంటనే ఫొనులు మీద ఫొనులు చేసి హింసించి ఈ అఖస్మాత్తు ప్రయాణానికి సిద్దం చెసేసా.మేము మొత్తం ఎనిమిది మంది నాలుగు మోటారు వాహనాల మీద వెళ్ళాలని నిర్ణయించి, బళ్ళని యాత్ర కి ముందు రోజే సిద్దం చేసేసాము.బెంగళూరు నుండి ఈ ప్రాంతానికి చేరటానికి అతి దగ్గరి మార్గం మేము మా ప్రయాణానికి ఎంచుకున్నాము.

హొగ్నేకల్ గురించి మరిన్ని విషయాలు ఇక్కడ చూడండి : హొగ్నేకల్

మేము ప్రయాణిచిన మార్గం : బెంగుళూరు - అత్తిబేలి - మత్తిగిరి - దెనకనికొట్టై - హొగ్నేక్కల్
దూరం : బెంగుళూరు - కోరమంగలా నుండీ సరిగ్గా 121 కిలోమీటర్లు
దారి అడవి మార్గం అయినందున మొత్తం ఘాట్ రోడ్డు.

జడపిన్ను మెలికలతో హొయలు ఒలికే ఆ రోడ్డు మీద,
తొలకరిజల్లులతో పరవసించి పచ్హగా మారిన చెట్ల మద్య,
అంతంటులేదు అనంతమే హద్దు అనట్టున్న లోయల మీదుగా ,
నీకూ తోడున్నా అంటూ వస్తున్న స్నేహితుల నడుమ,
నేను లేనిదే నీవు లేవు అని ఘీంకరిస్తున్న మా బైకు శబ్దాలతో,
సెలయేర్ల ప్రక్కగా సాగిన మా ఈ ప్రయాణం నిజంగా ఒక మరుపురాని ఙ్నాపకం.

అప్పుడెపుడో రోజా సినిమాలో చూసిన "నాగ మణి నాగ మణి... " పాట ఇక్కడే చిత్రీకరించారట !
ఇక్కడి నల్లని బండరాళ్ళు వాటిని చుట్టు ముట్టి ఉన్న అందమైన పచన్ని చెట్లు, నిశబ్దంతో ఉన్న ఈ నల్లనిరాళ్ళకి సంగీతం నెర్పేందుకే అన్నట్టు ద్వని చేస్తూ వాటిని కదిలించి కరిగిస్తున్న జలపాతపు ఉరకలూ, పిల్లగాలులకి పోటీగా పిల్లల కేరింతలు.
తెప్పలపై ప్రయాణం, నూనే మసాజులు ,,,ఒకటేమిటి మొత్తం అద్బుతమే.వార్తల్లో తమిళణాడు కీ కర్ణాటక కీ ఈ ప్రాంతం గురించి ఇక్కడి కావేరీ నది గురించి ఎన్ని గొడవలు ఉన్నా, జలపాతపు అందాలూ చూడటానికి వచ్హే యాత్రికులకి ఏమాత్రం ఇబ్బందిలేకుండా అన్ని వసతులూ అందుబాటులోనే ఉన్నాయి.

ఇకపోతే మణిరత్నం దర్శకత్వం చేస్తూన్న "రావణ్" అనే మరో కొత్తచిత్రం లో కొన్ని సన్నివేశాలని "విక్రం", "అభిషేక్" మద్య ఇటీవలే ఇక్కడ చిత్రీకరించారని తెలిసింది.

మొత్తానికి బండి మీద అలుపు వచ్హే లా ప్రాయాణిచాలి అనే నాకోరిక భారీ స్థాయిలోనే నెరవేరింది.
తిరుగు ప్రయాణంలో మమ్ము తడిపి ముద్దాడిన వర్షం కూడా ఎంతో బాగుంది.
ఇదండి నా హొగ్నేక్కల్ ప్రయాణ విశేషాలు .....

2009 Election Results - Andhra pradesh(2009 ఎలక్షన్ల ఫలితాలు - ఆంధ్రప్రదేశ్ )

2009-05-18T10:36:00.015+05:30

2009 ఎలక్షన్ల ఫలితాలు - ఆంధ్రప్రదేశ్

"తెలివి ఏ ఒక్కడి సొత్తూ కాదు" అని రాజశేఖర రెడ్డి విజయం మరొక్కసారి గుర్తు చేసింది.మన రాష్టానికి ఒక మంచి రాజనీతిజ్ఞుడిగా,అపర చాణిక్యుడిగా పేరుగాంచినా శ్రీ నారా చంద్రబాబుదే కాదు తెలివి, అది మాకూ ఉంది అని రాజశెఖర్రెడ్డి నిరూపించారు."సమైఖ్య ఆంధ్రా" అంటూ అతిగా హడావిడి చేయకపోయినా, వేర్పాటువాదం వల్ల నష్టాలనీ ,తెలివిగా తన మనోగతాన్ని సున్నితంగా ప్రజలకి తెలియచెప్పీ ప్రాంతీయాభిమానాన్ని చాటుకున్నారు.కేవలం "సమైఖ్య ఆంధ్రా" భావమే గెలుపుని తెచ్హిపెట్టింది అని పూర్తిగా నిర్ధారించలేను గానీ తన మనసులో ఉన్న బలమయిన ప్రాంతీయ సమైఖ్య భావం మేలు చేసిందనే అర్దం అవుతుంది.

దుష్టబుద్దితో తెలంగాణా వాదాన్ని పెంచి పోషిస్తున్న కే.సి.అర్ కి, గొర్రెల్లా వెనకా ముందు ఆలోచించక దుష్టుడితో సహవాసంచేసినందుకు తక్కిన నాయకులకీ ప్రజలు సరైన తీర్పే ఇచ్హారు అనిపించింది."దుష్టుడికి దూరంగా ఉండాలి" అన్న కనీస జ్ఞానం ఉండిఉంటే చంద్రబాబు ఈరోజు ఇలా తలదించుకునే అవస్థ వచ్హిఉండేదే కాదు.

వ్యక్తి గా చంద్రబాబుకున్న శక్తి మొత్తం హరించి వేయటంలో కే.సి.అర్ తో పాటు వామ పక్షాలు సైతం తమవంతు తాము కృషి చేసాయనటంలో ఏమాత్రం సందేహంలేదు.వ్యుహాలని పన్నటంలో సిద్దహస్తునిగా పేరుగాంచిన చంద్రబాబు కనీస రాజకీయ ధర్మాలని మరిచి TRSని 45 స్థానలలో పోటీ చెయనివ్వటం నిజంగా అసమంజసం."ఎంత చెట్టుకి అంతే గాలి" అన్న చందాన ఆ దుష్టుడి కి కేవలం 10 స్థానాలే వచ్హి ఎందుకు పనికిరానివిగా అయ్యాయి.

గడిచిన అయిదేళ్ళ కాలంలో బలమైన ప్రతిపక్ష పార్టీగా నిరూపించికోక పోవటం ఒక తప్పయితే, సరైన సమయానికి దుష్టులితో సహవాసంచేసి కేవలం గెలుపే తమ వాంఛ అని ప్రజలకి పూర్తిగా అర్ధమయిపొయేలా చేసారు.చేతులు కాలుతున్నాయని మంట తెలిసాక, అప్పుడు ప్రజాసంక్షేమ పధకాలయిన "కలర్ టీవి","ఉచితం స్కీములు" ఇంకా ప్రతిష్టాత్మకమైన "నగదు బదిలీ" పధకాలను ప్రవేశపెట్టినా కూడా ప్రజల చెవ్వులలోకి కూడా ఇవి దూరలేదు.

అసలు తెలంగాణాలో ఫలితాలని పరికించిచూస్తే ప్రజలకి "తెలంగాణా" రాష్ట్ర వేర్పాటు భావలు చాలా తక్కువ ఉన్నాయేమో అనిపిస్తుంది.కే.సి.అర్ పదే పదే చెప్పుకునే "తెలంగాణా" రాష్ట్ర వేర్పాటు భావాలు నిజంగా ప్రజల మనోగతమే అయితే కనీసం తెలంగాణలో అయినా టి.అర్.ఎస్ ఎక్కువ సీట్లు మెజారిటీతో సొంతంచేసుకుని ఉండేది.కానీ ఫలితాలు దీనికి పూర్తి విరుద్దంగా సమైఖ్య ఆంధ్రా అన్నట్టు కాంగ్రెస్ కే పట్టం కట్టాయి.ఇది కేవలం కే.సి.అర్ తన అధికార దాహం తీర్చుకోవటానికి అడుతున్న నాటకం అని ప్రజలు చెప్పకనే చెప్పారు.మరి ఇకనయినా కే.సి.అర్ తన నక్క జిత్తులు కట్టిపెట్టి(తెలంగాణా వెర్పాటు ఉద్యమాలు వదిలి) ప్రజల కనీస అవసరాలపై ద్రుష్టి సారిస్తే తనకి భవిష్యత్తు ఉంటుంది.లెకపొతే గత మూడు ఎన్నికలఫలితాల మాదిరే తదుపరి ఎన్నికల లో సైతం చుక్కెదురవుతుంది.ఇప్పటికే తన సీట్లు వెళ్ళపై లెక్కించేవిగా ఉన్నాయి ఇదే ధొరణితో ముందుకి వెళ్తే కనీసం ఆ సీట్లు కూడా రాకుండా పోతాడేమో.

మాజీ స్పీకర్ సురేష్ రెడ్డి, డీ శ్రీని వాస్, షబ్బీర్ అలి,జీవన్ రెడ్డి, నేదురుమల్లి రాజ్యలక్ష్మి, మండలి బుద్దప్రసాద్, పిన్న్నమనేని వెంకటేశ్వర రావు వంటి ఇతర మంత్రివర్గ సభ్యులు ఇంకా కేంద్ర మంత్రి రేణుకా చౌదరి లాంటి వారి వైఫల్యం నుండి ప్రజల అసమ్మత్తి కాంగ్రెస్ పార్టీ పట్ల అర్దం అవుతుంది.కావున రాజశేకర్ రెడ్డి పార్టీని పూర్తి స్థాయిలో ప్రక్షాళణ చేసి కొత్త మంత్రివర్గంతో అయినా ధనాశ లేకుండా పనిచెయిస్తే సుస్థిరాంధ్రప్రదేశ్ ని మనం చూడగలం.

ఇదిలా ఉండగా 294 స్థానలకి గానూ 292(కనీసం ఒక స్థానం చంద్ర బాబు కి ఒక స్థానం వై యస్ కి అయినా వదిలారు) స్థానాలు కేవలం ప్రజారాజ్యం పార్టీ ఒక్కటే కైవసం చేసుకుంటుందని చిలక జ్యొసం చెప్పిన అల్లూ అరవింద్ అనకాపల్లి నియొజక వర్గంలో పోటిచేసి చిత్తు చిత్తుగా ఓడిపొయారు.అలాగే పాలకొల్లు నియోజక వర్గం నుండీ పోటీ చేసి కనీస ప్రచారం కూడా నిర్వహించకుండా, పొగరుతో, పగటి కలలతో, పొగడ్తలతో, కళ్ళుమూసుకుపొయి ఒక మహిళ చేతులో చిత్తుగా ఓడి పోయి భూమి తన కాళ్ళ కింద ఉంటుందని తెలుసుకుని స్ప్రుహలోకి వచ్హిన చిరంజీవికి ప్రజలు తన విలువ ఎంటో బాగా బుద్ది చెప్పారు. కుల రాజకీయాలు మాకు వద్దు, కులం పేరుతో ఇక పై ఎవడైనా మాలో మాకు కుమ్ములాటలు పెట్టాలని చుస్తే ఇదే శాస్థి అని ఒక చారిత్రాత్మక నిర్ణయాన్ని తెలియచేసిన ఓటర్లకి నిజంగా జోహార్లు."నీకుంటే మాకెంటి? - నీకింకా వస్తే మాకెంటి?" నువ్వు మాకొసం ఏమి చేస్తావ్?ఏమి చేయ గలవ్? అన్న అలోచనలతో ఉన్న ప్రజలకి "ప్రజా రాజ్యం ఒక విష వ్రుక్షం అని తెలియటంతో" అది తీసుకురాబొయే కులాల కుమ్ములాటలని ముందే ఊహించి, పార్టీ వ్యవస్థాపకుల ధనాశని గ్రహించి ఓటర్లు మంచి గుణపాటమే చెప్పారు.

అల్లు అరవింద్ లాంటి అవకాశవాదులకి రాజకీయాలు కూడా ఒక మార్గం అయితే అది నిజంగా రాష్ట్ర అరిష్టానికి దారితీసేదెమో,ఇకనయినా చిరంజీవి తన చుట్టూ ఉన్న వారి చెప్పుడు మాటలు వినక తన వ్యక్తిత్వ వికాసానికి మెరుగులు దిద్దుకుంటే మంచింది."మార్పు" మాకు వద్దు, మెరుగయిన సమాజం చాలు ...సామజికన్యాయం అనే ముసుగుతో మా జీవితాలకి అన్యాయం చెయ్యొద్దూ అంటూ ప్రజలు మౌన-గళం విప్పారు-ప్రజారాజ్యానికి బుద్ది చెప్పారు.

తెలుగుదేశం రాలేదు , కాంగ్రేస్ వచ్చింది అన్నవి పక్కన పెడితే అవాంచిత,అవకాశవాదుల రాజకీయాలకి(ప్రజారాజ్యానికి) సందివ్వకుండా కాంగ్రెస్ పార్టీయే స్వయం ప్రతిపత్తితో ప్రబుత్వం ఎర్పాటుచేయటం ఎన్నో వేల కోట్ల రూపాయలు చేతులు మారకుండా అడ్డుకట్టవేయటం నిజంగా శుభపరిణామం.అవును ఇది సైలెంట్ సునామీనే (మౌన-గళం).

ఎలాగూ కాంగ్రెస్ వారి దాడులు, ఈనాడు పైనా ఆంధ్రజ్యొతి పైనా కొనసాగక తప్పవు కాబట్టి ఇకనయినా మీడియా వారు నాయాకులకు తొత్తులుగా మసలక తమ తమ విధులను గుర్తెరిగి సమాజవికాశానికి తమద్వార పూర్తి స్థాయి వాస్తవాల వెలుగులని చిమ్మాలని అశిస్తాను.

ఇకపోతే కిషన్ రెడ్డీ(BJP),జయ ప్రకాష్ నారయణ (Loksatta) వంటి వాళ్ళు అసెంబ్లీలో ద్రుఢమైన ప్రతిపక్ష పాత్రని పోషిస్తు మెజారిటీ సీట్లున్నా కూడా సరయిన ప్రతిపాక్షం గా వ్యవహరించలేని తెలుగుదేశానికి ఒక మార్గదర్సకంగా ఉంటూ వారి ఆలొచనలలో మార్పు తెస్తూ, ప్రబుత్వాన్ని ప్రశ్నిస్తూ రాష్ట్రాబివ్రుద్దికి కృషి చేస్తారని బావిద్దాం.

మొత్తం శాసన సభ స్థానాలు 294 కాగా ప్రబుత్వ ఏర్పాటుకు కావల్సిన 148 స్థానాలకు గానూ కాంగ్రేస్ పార్టీ సునాయాసంగా 157 స్థానాలు సొంతం చేసుకుని తన సత్తాచాటుకుంది.

అంధ్రాలో మొత్తం లోక్ సభ స్థానలు : 42

పార్టీలు సాధించిన స్థానాలు

కాంగ్రెస్ : 33

తెలుగుదేసం : 4

తెలంగాణా రాష్ట్ర సమితి : 2

ఇతరులు :3

పూర్తి వివరాలు దిగువ లింకు లో

http://www.eenadu.net/new-mp.htm

అసెంబ్లీ స్థానాల పూర్తి వివరాలు దిగువ లింకు లో

http://www.eenadu.net/new-mla.htm

సూచన : పైన పేర్కొన్నవన్నీ కేవలం నా అభిప్రాయాలుగా మాత్రమే గమనించగలరు!ఎవరినీ కించపరచాలన్నది నా అభిమతం కాదు.

రెపే విదుదల !! సూపర్ సస్పెన్స్ థ్రిల్లర్ - 'ముఖ్యమంత్రి 2009'

2009-05-15T20:19:00.002+05:30

రెపే విదుదల !! మీ అభిమాన థియేటర్లలో

సూపర్ సస్పెన్స్ థ్రిల్లర్ - "ముఖ్యమంత్రి 2009".

భారీ బడ్జెట్ తో, బ్రహ్మండమైన సెట్టింగులతో (ఫిట్టింగులతో ), తలమెరిసిన (కధా) నాయకులతో, ఊహించలేని పొత్తులతో (మలుపులతో ) అత్యంత వ్యయ ప్రయాసలతో భారీ సెక్యూరిటీతో పూర్తి స్థాయి సాంకేతిక విలువలతో(మొత్తం ఎలక్ట్రానిక్ ఓటింగ్ కధా).

ఒళ్ళు గగురుపుట్టించే పోరాటాలు, దిమ్మ తిరిగిపొయే డైలాగులూ,భారీ ఉద్వేగానికి గురిచేసే సీన్లు, కడుపుబ్బ నవ్వించే కామెడీ, కళ్ళు మిరిమిట్లు గొలిపే కాంతలు ...ఒకటెంటి ఇలా అన్నీ కలబోసిన అంధ్రా అవకాయ లాగా ఉరిస్తూ మనముందుకు రాబోతోందీ "ముఖ్యమంత్రి 2009".

సినిమా పేరు : ముఖ్యమంత్రి 2009

బడ్జెట్ : ఒక్క అంధ్రా లో సుమారు 5000 కోట్లు

దర్సకత్వం : సుబ్బారావు (ఎలక్షన్ కమీషనర్)

సహాయ సహకారం : మహంతి (DGP)

బ్యానర్ : అంధ్రా ఎలక్షన్ టాకీస్

నిర్మాత : ప్రజలు

పబ్లిసిటీ : ఎవరి టీ.వి చాన్నళ్ళో వాళ్ళు, ఎవరి పత్రికల్లో వాళ్ళు

నటవర్గం : కాంగ్రెస్ , తెలుగు దేశం, టి.ఆర్.ఎస్ , పి.అర్.పి,వామ పక్షాలు తదితరులు
విదుడల తేది : 16 మే 2009

పంపిణీ దారులు : మీడియా

ఇది కేవలం పెద్దలకి మాత్రమే చిత్రం . 'A'

"నేనూ
గాని ఒకసారి ముఖ్యమంత్రి అయ్యానంటే" అంటూ ముందుగానే నటనా చాతుర్యాన్ని
స్టేజీలపై చూపిన నేతలు, అసలు ఎంతబాగ చేసారో రేపు తెలియబోతోంది.

ఇప్పుడే అందిన వార్త : TV9 వారు ఈ కార్యక్రమాన్ని మొట్టమొదటి సారిగా ప్రతిష్టాత్మకంగా మైక్రోసాఫ్ట్ సర్ఫేస్ (Microsoft Surface)ని ఉపయోగించి తెలియచెయబోతున్నరు.ఇండియాలోనే, మీడియా రంగంలో మొట్టామొదటిగా సర్ఫేసును వాడనున్న ఘనత TV9దనే చెప్పాలి.

మైక్రోసాఫ్ట్ సర్ఫేస్ (Microsoft Surface)గురించిన మరింత సమాచారాన్ని ఈ లింక్ లో చూడ గలరు.

నవతరంగం లో నా మొదటి వ్యాసం

2009-05-04T15:53:00.001+05:30

నవతరంగం లో నా మొదటి వ్యాసం

నవతరంగం లో నా మొదటి వ్యాసం ఈ రోజుకి కుదిరింది మొత్తానికి మిత్రుడు సినిమాతో నా కాతా తెరిచాను ఈ సైటులో మీరు కూడా ఒక చూపుచూడండి కింద లింక్ క్లిక్ చేయండి

http://navatarangam.com/2009/05/mitrudu-review/

మిత్రులతో "మిత్రుడు" ! - "Mithrudu" Review

2009-05-01T16:08:00.006+05:30

మే 1 - కార్మికుల దినోత్సవం సందర్భంగా నాతో పాటు మా స్నేహితులందరికి ఆఫీసులకి సెలవు కారణంగా, అంతా కలిసి ' మిత్రుడు ' సినిమాకి వెళ్ళాము.ఉదయం ఆట 10:30 కి అని ప్రకటించటంతో ముందుగానే అక్కడికి చేరిన మాకు షో 11 గంటలకి అనిచెప్పటంతో కొంత నిరాశ ఎదురయినా ఆ కాస్త సమయంలో మరికొందరు స్నేహితులు హాలుకి రావటంతో కొంత త్రుప్తిచెందాం. ఇక సినిమాలోకి వస్తే ' మిత్రుడు ' అందరికి ఎక్కడ శత్రువు అవుతాడో అన్నభయంతో ఉన్న నాకు కొంత ఊరట కలిగించిందనే చెప్పాలి.

ఒక్క మాటలో : కధ కొత్తగా లేకపోయినా కధనంలో మలుపులు, కధానాయక వలపులు, హాస్యంలో చెణుకులు, మలేషియా మెరుపులూ, బాలయ్య నెమ్మదయిన అరుపులూ మొత్తానికి మనకి ' మిత్రుడు ' అయ్యాయి.

ఈమద్య కొత్తగా పరిచయమవుతున్న అందరి దర్శకులమాదిరిగా ' మహాదేవ్ ' కూడా కధకన్నా కధనానికే పెద్దపీట వేశారనిపించింది.ఒక్కమాటలో చెప్పాలంటే దర్శకుడిగా మొదటి అవకాశమే బాలయ్యవంటి పెద్దహేరోతో వచ్హినా కూడా కధా కధనాలపైననే అసక్తి కనబరిచారనిపించింది. ఎందుకంటే బాలయ్య బ్రాండు సినిమాలలో కనిపించే పదునైనా, పొడుగైన సంభాషణలూ ఈ సినిమాలో కనపడలేదు. ముఖ్యంగా చెప్పాలంటే ఎండాకాలం తర్వాత వర్షాకాలం కోసం ఎదురుచుసే ఆశాజీవుల్లా,బాలయ్య అసాధ్యమైన (తొడ కొడితే ట్రైను వెన్నక్కి వెళ్ళిపోయే) సన్నివేశాలకై ఎదురుచుసే అసామన్య ప్రేక్షకులకు కొంత గొడ్డలిపెట్టు ఈ ' మిత్రుడు '. ఎందుకంటే ఇందులో అటువంటి అసందర్బ, అసాద్యమైన సన్నివేసాలు ఎమీ లేవు కాబట్టి. ఈ సినిమా బాలయ్య కాకుండా ఏ కధానాయకుడు చేసినా సామాన్య ప్రెక్షకుడు ఒకేలా రంజింపబడతాడు. బాలయ్య, ఆదిత్యా అనే పాత్రకి నూటికి నూరు శాతం న్యాయం చేశారు గాని, ఆ పాత్ర బాలయ్యకి పిసరంతైనా న్యాయం చెయలేదు అనిచెప్పొచ్హు . కధ ప్రధమాంకం అంతా మలేషియాలో సాగుతుంది. కేవలం మలేషియా అందాలని చుపించాలనే అలోచనలేకుండా కధానుగుణంగా మాత్రమే ముఖ్య సన్నివేశాలు అక్కడ చిత్రీకరించారనిపించింది.బాలయ్య పదునయిన సంభాషణలకే కాదు, కేవలం హావాభావలతో కూడి తక్కువ మాటలు గలిగిన అభినయం కూడా ప్రేక్షకులని మెప్పిస్తుంది. ప్రియమణి తన ప్రేమించిన వాడిని పెళ్ళిచేసుకుంటే తన జాతకరిత్యా అతనికి మ్రుత్యుఘండమున్నదని తెలియడంతో మ్రుత్యుఘండమున్న బాలయ్య(ఆదిత్య)ని పెళ్ళిచేసుకోవాలని ప్రయత్నిచి విజయంసాదిస్తుంది. కాని తను నిజానికి ప్రేమించిన వాడు మంచివాడు కాదని, తన తండ్రి నిశ్చయించిన వరుడు బాలయ్యే అని తెలియడంతో ప్రియమణి ఇంకా తండ్రి రంగ నాధ్ అనందిస్తారు. ఇకపోతే రంగనాధ్ కి సంఘంలో ఉన్న మంచి పేరు ప్రతిష్టని చూసి ప్రియమణిని తన కోడలు చేసుకోవాలని అశించే విలన్ పాత్రలో ప్రదీప్ రావత్ బాగానే నటించారు. అదేవిందంగా కధలో మలుపులలో భాగంగా నమ్మకంగా రంగనాధ్ పక్కనే ఉండే సెక్రెటరీ పాత్రలో చంద్ర మోహన్ అలాగే చంద్ర మోహన్ కొడుకుగా ప్రియమణిని మోసగించి ప్రేమించే పాత్రలో దీపక్ నటన కూడా బాగుంది. ద్వితియార్దంలో వచ్హే చాలా పాత్రలు కొద్ది క్షణాలే కనపడినా కూడా "ఆకాశం నుంచి ..." అనే పాటలో బాగానే అలరించారు.ఆదిత్య పాత్రకి తాతయ్య గా బాలయ్య(పాత నటుడు), మిగిలిన బందువుల పాత్రలలో సన,ఆహుతి ప్రసాద్,సురేఖ,చలపతి రావు, శ్రీనివాశ్ రెడ్డి తదితరులు కేవలం గతం సన్నివేశాలలోనే కనపడతారు. ముఖ్యంగా చెప్పాలంటే కృష్ణ భగవాన్ మరియూ బ్రహ్మానంధం కామెడీ సన్నివేశాలు బాగున్నాయి. పాటలు అన్నీ బాగున్నాయి.మణి శర్మ అందించిన సంగీతం కూడా సినిమా విజయానికి దోహదం చేస్తుంది.ప్రియమణికి స్నేహితురాలిగా తమిళ అమ్మాయిగా ముద్దు ముద్దు గా తమిళం తెలుగు కలిపి మాట్లాడుతూ తక్కాలీ(తమిళంలో టమోటా అంట!) పాత్రలో శ్రీలత బాగ నవ్వించింది.

సినిమా ఇంకా బాగుండాలంటే : బాలయ్య కేశాలంకరణ, దుస్తులు ఇంకా మెరుగుపరిచుంటే బాగుండేది.

కొస మెరుపు: సినిమా కి ' మిత్రుడు ' అన్న పేరు ఏవిధంగా పెట్టారో మాకెవరికీ అర్ధంకాలేదు !బాలయ్య దరించే కడియం అతన్ని కాపాడటం మాత్రం కొంచెం కామెడీనే.

సూచన : ఎన్నికలు వేడి తగింది కాబట్టి ఎండల వేడి తట్టుకోవటానికి ఇంకా వేసవి సెలవల్ని అస్వాదించటానికైనా ఒక్కసారి ' మిత్రుడు ' సినిమా చూడొచ్చు .

నాకు నచ్హిన కవి - శ్రీ శ్రీ శతజయంతి

2009-04-30T13:26:00.010+05:30

సాహిత్యాన్ని కొత్త పుంతలు తొక్కించి కొత్త వంపులు తెప్పించి విప్లవాన్ని రేకెత్తించిన ఓ మహర్షి నీ శతజయంతి సందర్భంగా ఇదే నా నివాళి. "శ్రమైక జీవన సౌందర్యానికి సమానమైనది లేనేలేదు" అని చాటి చెప్పిన మహనీయా ఇదే నీకు నా నివాళి

"తలవంచుకు వెళ్ళిపొయావా నేస్తం
సెలవంటూ ఈ లోకాన్ని వదిలి ..."

అంటూ స్నేహితుని తలచుకుంటూ మీరు సాగించిన "మహా ప్రస్థానం " నిజం గా మాకు అలుపు తెప్పించ్హేంత ప్రయాశ ప్రయాణమే ఆయినా మాకు ఆ దారిలో కలిగే అనుభూతులు అనంతం- ఓ మహాత్మా.

"నిన్న వదిలిన పోరాటం
నేడు అందుకొనక తప్పదు !
కావున ఈ నిరాశామయలోకంలో
కధనశంకం పూరిస్తున్నాను ..."

అంటూ మీరు చేసిన శబ్ద తరంగాలు ఇప్పటికీ మా చెవిలో రింగు మంటున్నాయి - ఓ మహాకవి .

" నేను సైతం
భువన భవనపు
బావుటానై పైకి లేస్తాను ! "

అని మీరు చెప్పినది, మాకు ఎప్పటికీ స్పూర్తిదాయకమే ! అదే మాలో అవేశానికి అద్యం.

"...సింహములాగూ, సివంగి లాగూ,
ఫిరంగిలాగూ, కురంగి లాగూ,
శంఖములాగూ, సర్పము లాగూ, ..."

అంటూ మాపై ఘర్జించి , తూటాలు పేల్చి, బుసలు కొడితే ఆ భయానికి బీతిచెందాము.

"కుక్కపిల్లా,
అగ్గిపుల్లా,
సబ్బుబిళ్ళా -
హీనం గా చూడకు దేన్నీ !
కవితామయమెనోయ్ అన్నీ !! ..."

అంటూ కవులకీ మీరిచ్హిన ధైర్యం - అది మా అద్రుష్టం

"కూటికోసం, కూలి కోసం
పట్టణంలో బ్రతుకుదామని
బయలుదేరిన బాటసారి ..."

అంటూ మమల్ని కదిల్చి వేసారు ...

"భూతాన్ని,
యఙోపవీతాన్ని,
వైప్లవ్యగీతాన్ని నేను !
స్మరిస్తే పద్యం
అరిస్తే వాద్యం ..."

ఇంతకన్న పదాలేవి, మిమ్ము స్మరించటానికి ?? ఓ మహాకవి !!
"పొనీ పొనీ పోతే పొనీ ..."
"పతితులారా బ్రష్టులార బాదసర్ప ద్రష్టులార !!! ఏడవకండేడవకండి .."
"కొంత మంది కుర్రవాల్లు పుట్టుకతో వ్రుద్దులు ..."
"పొలాలనన్ని హలాలదున్ని ...."
"మనదీ ఒక బ్రతుకేనా కుక్కలవలే, నక్కలవలే ! ...సందులలో పందులవలే .."
"ఏదేశ చరిత్ర చూచినా ఎమున్నది గర్వకారణం నరజాతి చరిత్ర సమస్తం పరపీడన పరయాణత్వం .."
"అంతేలే, పేదల గుండెలు ! అశ్రువులే నిండిన కుండలు ! .."
అంటూ బడుగుల బాధని అర్ధంచేసావు.
ఇలా ఎన్నెనో ..... ఎన్నెనో ..... నన్ను కదిల్చివెసాయి ..ఎన్నో రాత్రులు నన్ను అరిపించాయి ...

ప్రపంచమోక పద్మవ్యుహం !
కవిత్వమోక తీరని దాహం !

తెలుగు బ్లాగర్లంతా తెలుగులోనే శోదిద్దాం ...Let's search

2009-04-29T13:01:00.000+05:30

నాలాగా మీరు కూడా తెలుగు వాళ్ళా ?? తెలుగులో బ్లాగు ఏదైనా రాస్తున్నరా??? పొనీ మీరు ఎక్కువ తెలుగులో చదవటానికి ఇష్టపడతారా ??? మీకు కావల్సినవన్నీ గూగుల్ లోనే వెతుకుతారా ??? కానీ మీరు గూగుల్ శోధన(Search) తెలుగులో చేస్తున్నరా ??

శోధన తెలుగులోనే ఎందుకు చేయాలి ?

అంతర్జాలం లో ఉన్న తెలుగులో ఉన్న విషయాల గూర్చి తెలుగు సెర్చ్ ఇంజన్లలో సెర్చ్ చేయగలిగితే అది కేవలం తెలుగులో ఉన్న సంగతులను మాత్రమే చూపగలదు. అలాకాకుండా మనం మాములు/ఇంగ్లీషు గూగుల్ సేర్చ్ వాడితే అది కేవలం అంగ్లం లో ఉన్న విషయాలని అన్నీ చూపుతుంది. దీనివల్ల మనకి కావల్సిన విషయం తెలుగు లో దొరికే అద్రుష్టం చాల చాల తక్కువ.

ఒక ఉదాహరణ తో మరింత వివరంగా చూపగలను. మీకు వేటూరి గారి గురించి తెలుగులో కొన్ని విషయాలు కావాలి అనుకుందాం ?

వేటూరి జననం అని ఈ లంకే http://labs.google.co.in/transliterated_search/telugu.html లో టైపు చెయండి. ఇది తెలుగులో శోధన కొరకు. లేదా ఇందులో http://www.google.co.in/(ఇందులో కింద ఉన్న తెలుగు బాష ని సెలెక్ట్ చేయండి).

అలాగే

Veturi jananam అని ఈ లంకే http://www.google.co.in/ లో టైపు చెయండి. ఇది ఇంగ్లీషు లో శోధన కొరకు.

ఉదాహరణ

http://www.google.co.in/search?q=బూటు+గొప్పా++&btnG=వెతుకు&hl=te&source=transl_te

పైన లంకెను క్లిక్ చేసి చూడండి.

ఇప్పుడు ఫలితాలని పరిశీలిస్తే మనకి కావల్సిన తెలుగు విషయాలు కేవలం తెలుగు శోధనలోనే సాధ్యం అని తెలుస్తుంది. కాబట్టి ఇకనయినా మనకి కావల్సిన విషయలాలని గూగుల్లో తెలుగులోనే శోదిద్దాం.

సహజంగా అంతర్జాలంలో తెలుగులో పొందుపరిచే విషయాలలో(ముఖ్యంగా బ్లాగులలో, తెలుగులో ప్రచురించే విషయాలన్నీ ) తొంబై శాతం విషయాలు యూనికోడ్ అనే ఫార్మట్ ను ఉపయోగించి స్రుజియించ బడినవే,(లేఖినిని ఉపయోగించి రాశినవి కూడా యూనికోడ్ అనే ఫార్మట్లోనే ఉంటాయి ). అందువల్ల మనకి కావల్సిన తెలుగు సమాచారం కోసం మనం ఇక నుండీ తెలుగులోనే శోధిద్దాం.

చివరిమాట :

నేను రెండు బ్లాగులు నిర్వహిస్తున్నాను ఒకటి "Krishna's page" (English Special) మరొకటి "మనసు - మాటలు" (తెలుగు ప్రత్యేకం).అప్పుడప్పుడూ నా బ్లాగు కి వచ్హే అథిదుల వివరాలు పరిశీలించే క్రమంలో నేను తెలుసుకున్న నీతి ఎమనగా - కేవలం ఇంగ్లీషు లో రాస్తున్న బ్లాగు () కి మాత్రమే గూగుల్ సోధన అథిదులని తెచ్చి పెడుతుంది. అంతకన్న అందమైన, అతి విలువైన; తెలుగులో రాసి విషయాలని పొందుపరిచిన బ్లాగు కి మాత్రం కేవలం " జల్లెడ " లేదా " కూడలి" వంటి మార్గాల ద్వారా మాత్రమే అథిదులు వస్తున్నారు. తెలుగులో బ్లాగులని నిర్వహిస్తూ జల్లెడ వంటి వెబ్ సైటు లలో సభ్యత్వంలేని ఎంతో మంది తెలుగు రచనకారులు ఈ నవప్రపంచపు వెలుగులని చూడలేక పోతున్నారు. ఇలాంటి తప్పిదాలని మనంతట మనమే సరిదిద్దుకోవాలి - మనకి కావల్సిన ఏ తెలుగు సంబందిత విషయానికైన మనం తెలుగులోనే శోధించాలి దీనిద్వారా "తెలుగు" బాషా ప్రాచుర్యాన్ని, ప్రతిపత్తిని మనం అంతర్జాలంలో మరింతగా ఇనుమడింప చేయగలం. గూగుల్ వెతుకులాట కేవలం ఇంగ్లీషు బాషకే అలవాటుపడ్డ మనం, కావల్సిన ప్రతీ విషయాన్నీ కేవలం ఆంగ్లం లోనే శోధిస్తున్నాం.తద్వారా మనకి కావల్సిన మరియూ అందుబాటులో ఉన్న అతివిలువైన విషయాన్ని కూడా మనం మిస్స్ అవుతున్నాం.కానీ సంకేతికి సంబందిత తదితర విషయాలు కోసం తెలుగులో శోధన మంచి ఫలితాలని అందిచాలంటే మరికొంతకాలం వేచిచూడాల్సిందే !!

కాబట్టి ఇకనైనా తెలుగు బ్లాగర్లంతా తెలుగులోనే శోదిద్దాం ...తెలుగుతనాన్ని సాధిద్దాం

Let's search in Telugu ...Let's do it.

' ఆధినేత ' కాలేకపోయిన ' సామాన్యుడు '

2009-04-27T08:18:00.004+05:30

సామాన్యుడు లాంటి ఒక మంచి సినిమాలో నటించిన మన జగపతి బాబు ఈ సారి అధినేతగా ముందుకు వచ్హి నన్ను నిరుత్సాహ పరిచాడు. దర్సకత్వం ' సముద్ర ' అని ముందే తెలిస్తే సినిమా చూడటానికి కొంచెం సందేహించేవాడినేమో? కనీసం ' నవతరంగంలో ' రివ్యూ చదివినా బతికే వాడిని ...మొత్తానికి బలి. అయినా అన్ని తెలుగు సినిమాలని ఆదరించే నాలాంటి అమాయకులకి ఇదేం పెద్ద ప్రాబ్లం కాదులెండి.

ఆంధ్రాలో ఎన్నికల హడావిడి - వాతావరణంలో వేడి రెండూ కాస్త చల్లబడ్డాయి కధా అని సరదాగా సినిమా కి బయలుదేరాను.మధ్యలో ఎందుకో కాఫీ - డే కనపడితే ఒక Cafe Frappe(Ice cream and coffee blended to smooth, creamy perfection - Irish style) తాగేసి సినిమాకి బయలుదేరదాం అని నా పల్సర్ కి ఒక బ్రేకు వేసా.

అలా కాఫీ ఆర్డరు ఇచ్హానో లేదో ఇంతలో "తూ మేరి అధూరి ప్యాస్ ప్యాస్ ..." అంటూ పాట వినపడింది. ఎదో అలోచనలో ఉన్న నాకు, నా ఫ్రెండు " ఓరే నీ ఫొనేరా రింగ్ అవుతుంది, దాని బాధ చూడు అన్నాడు". ఫొన్ లిఫ్ట్ చెస్తే అవతలివైపు నా మరో ఫ్రెండు... ( ఫ్రె = ఫ్రెండు,నే = నేను )

ఫ్రె : మామా ఎక్కడ ఉన్నవ్ ???

నే : కాఫీ డే రా !!

ఫ్రె : ఏంటి కధ? ఉదయంనుండి ఎమిచేసావ్ ?

నే : ఎముందిరా రొటీన్ వీక్-ఎండ్ రా. బాగా లేట్ గా లేచి ఇందాకే లంచ్ చేసి సినెమాకి అని బయలుదేరాం. మద్యలో కాఫి కి ఆగాం.

ఫ్రె : కొంప తీసి ' అధినేత ' సినిమాకా ??
నే : కొంపలు గట్రా తీయలేదుగని జస్ట్ పర్స్ తీసుకుని బయలుదేరాం రా అంతే ! అయినా బెంగుళూరులో ఇంక కొత్త తెలుగు సినిమాలు ఎమీ లేవు కధరా ?

ఫ్రె : అదిసరే బాబాయ్ ఇప్పుడు నీకు ఆ సినిమా ఆవసరమా అని ?

నే : అదేంటిరా అంత మాట అన్నావ్ ? బెంగుళూరులో ఉంటున్న ఒక అంధ్రుడుగా రిలీజు అయిన తెలుగు సినిమా చుడటం నా హక్కు !!

ఫ్రె : అది కాదు చిన్నా !! ఇప్పుడే ఆ సినిమా హాలులోనుండీ బయటకు వస్తున్నా, అంత విషయం లేదు లేరా !!

నే : ఏదిఎమయిన " తెలుగు సినిమా నా జన్మ హక్కు " నేను వెళ్తున్నా, ఫోన్ పెట్టెయ్ మళ్ళీ టికెట్లు దొరకవ్ !!

ఫ్రె : ఒరేయ్ అక్కడ అంత విషయం లేదు రా !! హాలు అంతా కా...కుయ్ కుయ్

(వెధవ కంగారు ఎదుటి వాడి మాట సరిగా ఎనాడయినా వింటేనా !!) విని ఉంటే బతికి పోయేవాడిని ...

ఫోన్ పెట్టేసి, బిల్లు కట్టేసి, బండి తోలేసి మొత్తానికి ట్రాఫిక్ బారిన పడకుండా థియేటరు చేరాము.టిక్కెట్లు ఎక్కడ దొరకవో అన్న ఆదుర్దాతో మా ఫ్రెండు ఒరే నువ్వు బైక్ పార్క్ చేసి వచ్హేయ్ నేను టిక్కెట్స్ కొంటాను అన్నాడు !! సరే అని నేను ఆ పని చేసి వచ్హా. టికెట్లు దొరికేసాయి రా !! నో ప్రాబ్లం (ఏదో సాధించేసినట్టు!).నంబరింగ్ లేదు రా, త్వరగా పద, ఫ్యాను కింద కుర్చుందాం అంటూ మావాడు తొందర చేస్తే లోపలికి వెళ్ళాము.

ఫ్యాను కింద కుర్చున్నంత మాత్రాన చల్లగా ఉంటుందనుకున్న మా అమాయకత్వానికి సరి అయిన గుణపాటం ఈ సినిమా అని బయటకి వచ్హేటప్పుడు అర్దం అయ్యింది.

సినిమాలో ముఖ్యాంశాలు :

సూపర్ స్టారు కృష్ణ డాన్స్ లకి ట్రేడ్ మార్కుగా చెప్పుకునే మన జగపతి డాన్స్ లు,నడకలు .
జగపతి బీచ్ పాటలు బాగుంటాయి కదా కనీసం హేరొయిన్ ని అయినా చుద్దాం అనుకుంటే తప్పులో తలున్నట్టే ! తలలో తప్పేమో ?? ఎదో ఒకటి.
ఆంధ్రా సి.ఎం గారిని ఎర్రని, పచ్హని కోట్లు వేసుకున్న ఒక వెరయిటీ డ్రెస్సులలో చూడాలి అనుకుంటే ఇదే మంచి సినిమా.
హేరో కోపం ఫైటు తో కాక విలన్ కొత్త ఇంటి ని ఒక శౌచశాల గా వాడుకుని తగ్గించుకునే ఒక విబ్బిన్నమయిన సన్నివేశం కావాలా ?
ఆంధ్రాకి సి.ఎం అయ్యాక అతనికి పెళ్ళయితే ? (రెండో పెళ్ళి కాదు మొదటిదే).
శ్రీకాంత్ దేవ పెద్ద కష్టపడకుండా కాపీ సంగీతం అందించారు !! (మొనాలిసా అన్న పాట మద్యలో ఒక ట్యూన్ ఒక పాత పాటని(ఉహ్ ఉహు ..సరిగమ విన్నావ ?? ) స్పురించింది. మిగిలిన పాటలలొ సైతం )
సినిమా దర్శకుడు దీనికన్నా ముందు ఒకే ఒక్కడు అన్న ఒక అద్బుతమయిన సినిమా ఉంది అని మర్చి పోయాడేమో !

మొత్తానికి సామాన్యులకి ఎన్నికల వేడి తగ్గించకుండా ఎన్నికల ఫలితాల వరకైనా ఈ ' అదినేత ' అలరిస్తాడు అందామంటే నోరురావటం లేదండి!

ఎన్నికలకు ఎన్ని కళ్ళో !!!

2009-04-14T15:42:00.005+05:30

ఎన్నికలకోసం ఎన్నో కళ్ళతో నాలా ఎదురు చుసే సామాన్య ఓటరు ప్రజలు ఈ భారతావనిలో చాలా మందే ఉంటారు. ఇలాంటోళ్ళకి ఎన్నికలొస్తే వ్రుత్తిరిత్యా పొరుగూరిలో ఉంటున్న నాలాంటి ఔత్సాహిక ఓటరు మనసు ఎంత కుత కుత లాడిపొతుందో నాకు ఇప్పుడిప్పుడే అర్ధం అవుతుంది. ఈ భాధ అంతా కేవలం "ఓటు" అనేది నా ప్రాధమిక హక్కు అన్న స్వార్ధం. ఈ స్వార్ధం లో చాలా అర్దం ఉంది. దీన్ని ఎవ్వర్రు మార్చలేరు.

నాలాగా నాతో బెంగుళూరు లో నా స్నేహితులు చాలా మంది ఉన్నారు. అందరకీ ఒకే భాధ, ఒకే అలోచన, ఒకే గోల. వెళ్ళాలి ఓటు వెయ్యలి !

నా చిన్నతనంలో కేవలం ఓటు వేయటం కోసం మా అమ్మో, మా మావయ్యో ఇంకా ఎవరయిన చుట్టాలు ప్రయాణాలు చేస్తూంటే నాకు అర్ధం అయ్యేది కాదు అందులోని అంతరార్ధం. ఓటు అన్నది ఎంత ముఖ్యమయిన భాధ్యతగా వాళ్ళు గుర్తించి ఉంటే దాని నిర్వహణకి అంత ప్రయాసపడగలరు ? వారికి ఉన్న ముందు చూపూ, భాద్యత అయినా మా తరానికి లెవేమో అన్న అందోళన నన్ను కదిల్చివేస్తుంది.

రాజకీయాలపైన అవగాహనా,జీవితంపైన అలోచనా ఇంచుమించుగా ఒకేసారి వచ్హే నాలాంటి కుర్రవాళ్ళ పరిస్థితి నిజంగా "అడకత్తెర లో పోక చెక్క" అంటే నమ్మండి. ఒక పక్క ఎలక్షన్ తెదీలు దానికి సంబందించిన మన ప్రియతమ నాయకుల అభ్యర్దనలు మరోపక్క ఆఫీసులో పని.దేనిమీద బుర్ర ఉంచాలో తెలియని పరిస్థితి నాకు.

అర్దికమాంద్యం దెబ్బకి ఆఫీసులో గుండెలు గుప్పెట్లో పెట్టుకుని పని చేసుకునే సాఫ్ట్ వేరు ఇంజనీరుల బాధలే వేరు. ఒక ఈ-మెయులు చదువుదామని చుస్తే ఎలక్షన్లు గురించే, మొబైలు లో మెసేజి కూడా మన చంద్రబాబు పంపిందో లేక బారతీయ జనతాపార్టీ పంపిందో!. ఏది చూస్తున్నా ఎన్నికలకి సంభందించే!! ఇన్ని అలోచనల మధ్య ఆఫీసులో పని చెయ లేక సహొద్యొగులతో కాసేపు అలా మేడపైకి టీ తాగుదామని వెళ్ళినా అక్కడకూడా ఇదే; మనం మాట్లాడక పోయిన మనపక్క టేబుల్లో కూర్చున్నోల్లు "జయలలిత గెలుస్తుందా?" (తమిళంలో - இம்முறை தேர்தலில் ஜெயலலிதா விற்கு வெற்றி உண்டா இம்முறை தேர்தலில் Dr.ஜெயலலிதா விற்கு வெற்றி உண்டா !! )అనో లెకపోతే, కన్నడంలో(ಹೂ ವಿಲ್ ವಿನ್ ಇನ್ ದಿಸ್ ಎಲೆಕ್ಶನ್ಸ್?) ఈ సారి ఎవరు గెలుస్తారనో?? ఎదో ఒక ప్రతీపాదన చేస్తూనే ఉంటారు. అది ఎదో మనల్నే అడిగినట్టూ మనసు దానికి సమధాన్ని మన పక్కన వాళ్ళకి మాటలలో ఇచ్హేస్తుంది.

ఎదో కావల్సివచ్హి ఆఫీసులో పని నిమిత్తమై ఎదో వెబ్ సైటు చుస్తున్నా సరే మన అద్వాని గారి వెబ్ సైటు యాడ్నో లెకపోతే ఇంకో రాజకీయ పార్టీ యాడ్నో ఎదో ఒకటి కంటపడి మరీ చంపేస్తున్నాయి.

మనసాగక ఇంటికి ఫొన్ చెస్తే అంతా ఎన్నికల హడావిడిలో తలమునకలై ఉన్నాం అంటుంటే, ఎదో మిస్స్ అవుతున్నాం అన్న భాధ.

కాసేపు టీవీ చుద్దాం కదా అని టీవీ పెడితే మన మ్రుత్యుంజయుడు జు. NTR ఇక్కడ సైతం తన ఆరొగ్య పరిస్థితి పూర్తిగా నయం కాకపొయిన, మంచం మీద పడుకుని మరీ అదే ఉత్సాహంతో పిచ్హి పిచ్హి గా ప్రచారం చేస్తూ కనపడుతుంటే, మనకి మన బాధ్యత మరింతగా గుర్తువస్తుంది.మాములు రియాలిటి డాన్సు, పాటల కార్యక్రమాలలో సైతం "మీ ఓటు మీరు వేయండి" అని మరీ గుర్తు చేస్తున్నారు.

ఇంత మదనపడే గుండెకి ఈసారి ఓటు అన్నది ముఖ్యం అని అర్దం అయిపొయింది కాబట్టి ఎలాగయిన నాఓటు వినియోగించుకుని తీరాలి అని గట్టి నిర్ణయానికి వచ్హెసా . శాసన సభ ఓటు - లోక్ సత్తా కి మరియు లోక్ సభ ఓటు తెలుగుదేశం కి అని నిర్ణయించుకున్నా.మరి మీరు ??

యువతా!!! బ్లాగ్ అంటె?

2009-04-13T09:50:00.001+05:30

యువతా!!! బ్లాగ్ అంటె?( Youth!!! blog means? ) - Inspired by Sri Sri's "బుక్కులు" - "కుక్క పిల్లా, అగ్గి పుల్ల ..." | Krishna's page

ఎదో తెలియని అవేశం, అందులొనే అనందం.ఆనందాన్ని పంచుకుంటెనే దానికర్ధం. ఆ కవితలలో ఘాటు అప్పుడప్పుడు నషాలానికి అంటి కుదురుగా కుర్చోనివ్వటం లేదు.మనసులో అలలు అనే అలోచనలకి సైతం ఉవ్వెత్తున లేచే కెరటం అంత ఊపు నివ్వాలంటే అది నావరకూ శ్రీ శ్రీ కవితలే !!!

తెలుగు తెలిసిన వారు మాత్రం ఆ పైన ఇచ్హిన లింక్ క్లిక్ చేయగలరు.

ప్రెమే పెళ్ళయుతే ??

2009-04-10T09:15:00.002+05:30

If love becomes marriage ?? ( ప్రెమే పెళ్ళయుతే ?? ) | Krishna's page
కొంత కాలం క్రితం నా ఇంకో బ్లాగులో రాసిన తెలుగు టపా కి ఇక్కడ లంకె ఇస్తున్నా , చదివి మీ అభిప్రాయాలు తెలియచేయగలరు.
If love becomes marriage ?? ( ప్రెమే పెళ్ళయుతే ?? ) | Krishna's page

బూటు గొప్పా ? పెన్ను గొప్పా ?

2009-04-08T15:33:00.011+05:30

బూటు గొప్పా ? పెన్ను గొప్పా ?

"The pen is mightier than the sword" ఈ అంగ్లసామెత నేను చిన్నతనం లో చదివినది. ఎందుకో తెలియదు గాని నాకు ఇది బాగా మనసులో ముద్రించుకుంది. దీని అర్దం ఎమిటంటే రాజు గారి కత్తి తో చేయలేనిది కూడా కవి కలం తో సాధించగలడు అని.ఆది నా మనసులో అంత బలంగా ఉండటంవల్లనే నేను ఎప్పుడూ నా కలానికి పదును పెడుతూ ఉంటా.కానీ ఈ మద్య జరిగిన ఒకటి రెండు వాస్థవ సంఘటనలు మీ-నా బలమయిన నమ్మకాలకు సైతం గుబులు పుట్టిస్తున్నాయి.నాకు జర్నలిస్టులు అంటే బలే గౌరవం. ఒక విషయం క్షుణ్ణంగా తెలుసుకుని, దాన్ని పది మందికి అర్ధం అయ్యెట్టూ చెప్పటంలో వీరికి వీరే సాటి.మనదేశం లోనే కాదూ ఈ ప్రపంచంలోనే ఎంత ముఖ్యమయిన ప్రదేశానికైన సునాయాసంగా ప్రవేసానుమతి లభించేది కేవలం ఈ జర్నలిస్టులకే.వీరు రాసే ప్రతీ అక్షరం ప్రజలకు మేలుకొలుపు. అందుకనే వీరి కలానికి ఉన్న పదును-పాటవము ఇక దేనికీ ఉండదు. ఇది అంటే ఎంతటి వారయినా జడవాల్సిందే. అలాంటిది ఇంత బలం ఉన్న పెన్ను వదిలి ఒక జర్నలిస్టు తన బూటుకి ఎందుకు పనిచెపుతున్నాడు? వీళ్ళు పెన్ను వదిలి బూటు ఎందుకు చేతిలోకి తీసుకుంటున్నారు?

ఆదేనండి నేను చెపుతూన్నది నిన్న జరిగిన సంఘటన గురించి.సరిగ్గా ఇలాంటిదే ఆ మద్య ఇరాక్ లో ఒకటి జరిగింది.

సంఘటన 1 :

Muntazer al-Zaidi, అనే ఒక ఇరాక్ జర్నలిస్ట్ అమేరికా మాజీ అధ్యక్షుడు జార్జి బుష్ గారి మీద తన బూటు విసిరి నిరసన వ్యక్తపరిచారు.2003 నాటి ఇరాక్ పై దాడులకు కారణం బుష్ అని, అక్కడి ప్రజల విస్వాసం కావటంతో ఈ జర్నలిస్ట్ చర్యని అక్కడి ప్రజలు శ్లాగించారు.ఈ విధం గా తాను బుష్ పై బూటు విసరటానికి ఎప్పటినుండో తయారవుతున్నాడు అని తన తోటి ఉద్యోగులు చెప్పటం నిజంగా గమనార్హం. ఇది అంతా కేవలం తన దేశ భక్తిగా భావించినా కూడా ఆ విధంగా మరొక దేశాద్యక్షుడిపై బూటు విసరటం అన్నది అదీ తను విధి నిర్వహణలో ఉన్న విషయం మరిచి అన్నది చర్చనీయాంశం.

సంఘటన 2 :

తేది : 7 ఎప్రిల్ 2009

కేంద్ర హోం మంత్రి చితంబరం గారి మీద ఒక సిక్కు జర్నలిస్టు (Jarnail Singh) తన బూటుని విసిరి తన అసహనాన్ని వ్యక్తపరిచారు. 1984 సిక్కుల పై దాడికి సంబందించిన కేసులో నింధితులకి(Jagdish Tytler, Sajjan Kumar) కోర్టు ఇచ్హిన తీర్పుని చితంబరం విశదీకరిస్తుండగా జరిగిన ఈ సంఘటన కి కారణం కేవలం ఆ శిక్కు జర్నలిస్టుకి తీర్పుపై ఉన్న అస్సమ్మతి భావమే అని అర్దం అవుతుంది.

ఈ రెండు ఘటనలలోనూ జర్నలిస్టుల పనిని పొగిడే వర్గం లేకపోలేదు.నా వరకు నాకు -

"జర్నలిస్టులు వార్తలని అందచేయాలే కానీ వారే వార్త కాకుడదు."

ఇకనయినా జర్నలిస్టులు తమ బాధ్యతెరిగి, తమ హోదా గుర్తుంచుకుని దానికి తగట్టూ నిబద్దతతో పనిచేస్తూ,ఇటువంటి దుశ్చర్యలకి దూరంగా ఉంటారని తమ మంచి పేరు కాపాడుకుంటారనీ భావిద్దాం.

దీనికి సంభందించిన మరిన్ని లంకెలు : [1] [2] [3] [4] [5]

ఎందుకు రాస్తున్నా ?

2009-04-07T22:22:00.007+05:30

అసలు ఈ "మనసు - మాటలు" ఎమిటీ ?

ఎముంది ఇది నా బ్లాగు.నా మనసునీ, దాని మాటలనీ, అక్షర రూపంలో మీఅందరితో పంచుకుందామనే నా ఈ "మనసు-మాటలు". నా మనసులోని మాటలు మీ మనసులకి దగ్గర అవ్వాలని నా ఆకాంక్ష. నా బ్లాగు నా కొసమే కాదు, ప్రజలందరికీ కాక పొయినా అంతర్జాలం ఉపయొగించే కొద్దిపాటి జనానికైనా కొంతైనా ఉపయొగపడుతుంది అని ఒక చిన్న ఆశ.ఒక సమస్య సాధనలో నేను తెలుసుకున్న సులువయిన మార్గాన్న్ని తోటి వారి అవసరార్దం తెలియచెప్పటం లో ఆనందం అనంతం. నాకు తెలిసినదాన్ని తోటి వారికి తెలియజెప్పాలి - అది వారి విలువైన సమయాన్ని కాపడుతుంది అన్న చిన్న అలోచనే ఈ "మనసు - మాటలు".

ఆసలు అంతర్జాలం ఉపయొగించే వారికి ఎలా ఉపయొగపడుతుంది?

ఈ బ్లాగు అంతర్జాలం లో ఒక బాగం అయినందున, అందునా దీన్ని మన తెలుగు బాష లో రూపొందించినందున ఎదైనా విషయార్దమై వెతుకులాట చెసే వారికి, ఇక్కడ దొరికే కొద్ది పాటి సమచారం అయినా వారి విలువైన సమయాన్ని కాపాడగలుగుతుంది అని నా అభిప్రాయం.

ఏముంది ఈ బ్లాగు లో ?

నా బ్లాగు లో ఇది - అది అంటూ ఒకే ఒక దాని పై కాక నా మనసులో మెదిలే ప్రతీ అలోచనకు అక్షరరూపాన్ని సంతరించుకుంటుంది. నాకున్న బహువిధమైన - బహువిషయముల పట్ల అసక్తి వల్ల నేను పలుఆశాంలపైన ఇక్కడ చర్చించదలిచాను. దీనివల్ల నా బ్లాగు పాటకులకి సైతం విబ్బిన్న విషయాల పై ఒకేదగ్గర సమాధానలు దొరకగలవు.అంతేకాక ఇది పాటకులకి కూడా పూర్తి ఆసక్తి ని కలిగిస్తుంది.ఆనట్టు ఇక్కడ పొందుపరిచే ప్రతీ అక్షరము నా మనసులొని మాట అయినందున నా పాటకులను అదే విషయంపై వారి అభిప్రాయాలని తప్పని సరిగా చెప్పాల్సిందిగా ప్రార్దిస్తున్నాను.ప్రతి టపా పై కనీసం ఒక్క మీ ఆభిప్రాయం అయినా సరే నా అలోచనాఢొరణికి కొత్త దారులను చూపగలదు.తప్పక మీ అభిప్రాయలని తెలియ చెస్తారు అని భావిస్తూ

మీ

కృష్ణ

చిరంజీవి కి కోడి గుడ్లు - బాలయ్య కి చెప్పులు - జగన్ కి గుడ్లు, చెప్పులు - ఎన్.టి.ఆర్ కి యాక్సిడెంటు

2009-04-07T05:46:00.007+05:30

చిరంజీవి కి కోడి గుడ్లు - బాలయ్య కి చెప్పులు - జగన్ కి గుడ్లు, చెప్పులు - ఎన్.టి.ఆర్ కి యాక్సిడెంటు

ఎన్నికల కోసం ఎన్నో కళ్ళతో సమాన్య ఓటరు తో పాటు గా ఎన్నో పెద్దతలకాయలు కూడా ఎంతో కుళ్ళు తో ఎదురుచూస్తున్నాయి. "ఇల్లు కాలి ఒకడు బాధ పడుతుంటే, ఛుట్ట కి నిప్పు అడిగినట్టుగా ... "ఓటు వెయడానికి ఓటరు బాద పడుతుంటే" తినటానికి తిండి ఇస్తాం, తాగడనికి బీరు ఇస్తాం, చూడటానికి కలర్ టీ.వి ఇస్తాం అంటూ అఖరికి పోలింగు బూతు కి వెల్లటానికి ఆటో కూడా పంపిస్తాం ఎలాగైన వచ్హి మా చేతి మీదో( కాంగ్రెస్ ), మా సైకిలు మీదో( టి.డి.పి ) , మా రైలు మీదో ( పి.అర్.పి ), ,మా పువ్వు మీదనో ( బి జె. పి )లేకపొతే కనీసం మా ఈల మీద( లోక్ సత్తా ) అయినా ఒక గుద్దు గుద్ది వెల్లండి అంటూ కాల్లా వెల్లా పడుతూ పార్టీ నాయకులు వీది కుక్కల్లా తిరుగుతున్నారు.

ఎర్రటి ఎండల్లో ఎంచక్కా ఏ.సి వేసుకుని ఇంట్లో పడుకోగలిగి కూడా, ఇంకా ఎదో సంపాదించాలి అన్నట్టు తెలిసినా - తెలవక పొయినా, వచ్హినా - రాకపొయినా ఎదో ప్రజల మద్యలోకి వెల్లి మరీ అన్న కోసం ఒకడు, మామ కోసం ఒకడు, తండ్రి కోసం ఇంకొకడు అఖరుకి ఆడపిల్లని ఇచ్హిన పాపానికి సదరు వియ్యంకుని కోసం సైతం చెప్పు దెబ్బలు తినటానికి సిద్దం అవుతున్నారు అంటే వీల్లకి నిజంగా ప్రజల పట్ల ఇంత ప్రెమో లేక వాల్ల వాల్ల బందు గణం అధికారం లోకి వస్తే రాష్త్రాన్ని రాచి రంపాన్న పెడదామనో అర్దం కాని అయొమయ స్థితి లో ప్రజలు బెంబేర్లు ఎత్తుతున్నారు.

ఏ వెర్రి ఓటరు కి ఎమయిందో తెలీదు గాని ఆ నిమిషం లో ఒక్కో నాయకుడుని ఒక్కో లా స్వాగతించారు. ఎన్.టి.ఆర్ కి యాక్సిడెంటు తో సరిపొతే అంత కన్నా పెద్ద గాయాలు జీవితం లో మర్చిపొలేనివి గా మన చిరంజీవి గారికి కోడి గుడ్లతోనూ, బాలయ్యకి చెప్పులతోనూ, జగన్ బాబు కి వెరె ఎదో తెలీదు గాని మొత్తానికి ప్రజల సత్కారాలు అందాయి.

"కంద కి లేని దురద చేతి కి వచ్హినట్టు" అసలు నాయకులు పుట్టలో పాములు లాగా పనిచూసుకుంటుంటే అభం - శుభం ఎమీ ఎరుగని మన ప్రియతమ సినీ హీరోలు మాత్రం గోర అవమానాలకి గురి అవ్వటం చాలా బాదాకరం.
పాపం మా జయ ప్రకాశ్ గారు అంత ప్రజ్ఞ - పాటవాలు ఉండి ప్రజలకి మేలు మాత్రమే చెయాలనె ద్రుక్పదం ఉండి కూడా- ధనాన్ని వ్రుదా చెయకుండా; అది కూడా ప్రజలకి ఎదొ ఒక లాగా ఉపయోగపడాలి అని ప్రచారం సైతం రైలు లో కానిచ్హేస్తున్నారు. కనీసం పార్టి మొత్తం కాక పొయినా అయన అయినా గెలుపొందాలని అకాంక్షించే కళ్ళు ఎన్నో!!

ఇకనయినా మన మెధావి నాయకులు అయిన రెడ్డిగారి, బాబు గారి మాటలు వినటం మానేసి మనొళ్ళు, సారీ వాళ్ళ, వాళ్ళ బంధుగణం ఇక నయినా ఎవరి పని వాల్లు చేసుకుంటే చాల బాగుంటుందేమో? కనీసం చెప్పు దెబ్బలు అయినా తప్పుతాయి. మరి మీరు ఎమంటారు ?

మొదటి ఆడుగు - మొదటి టపా

2009-04-06T12:04:00.004+05:30

ఓం నమే గణేశాయ నమ:

మొదటి ఆడుగు - మొదటి టపా

ఈ బ్లాగు లో ఇదే నా మొదటి టపా . ఏన్నో రోజుల నుండి పూర్తి స్థాయి తెలుగు బ్లాగు ప్రారంభించాలని కోరిక. ఏందుకో తెలీయదు అది ఈ రొజే కార్యరూపం దాల్చింది. మంచో-చెడో మొదటి ఆడుగు అన్నది చాల ముఖ్యమయినది. ఏది అయితేనెం, ఇక నా అడుగులు, పరుగులు అవ్వాలని ఆకాంక్షిస్తూ నా బ్లాగు ని ప్రారంభిస్తున్నాను . నా పాత బ్లాగు(లు) "క్రిష్ణ పెజి " ని ఆదరించినట్టె ఈ బ్లాగు ని సైతం అదరిస్తారని అశిస్తూ -

మీ

క్రిష్ణ.